مسلسل طائر الرفراف سبب عدم تخلي فريد عن بلين 😱🔥😏
 |
| مسلسل طائر الرفراف سبب عدم تخلي فريد عن بلين 😱🔥😏 |
طب أنا جاية اثير الجدل وأقول إن فريد من أول يوم زواج كان ممكن يتخلى عن بيلين لو أتأكد إن سيران عندها استعداد تتعرف عليه وتحبه وتحترمه.
(الكلام اللي جاي ده مش دفاعا عن فريد ولا التقليل من شأن سيران - مجرد تحليل)
*من أول يوم سيران كل تصرفاتها اتجاه فريد رفض وعدم تقبل وتقليل من شأنه وكلمة (بكرهك ومش عايزاك) على طول في بقها.
* رد فعل فريد كل مرة إنه بيجري على بيلين، يا إما عشان بتحسسه بقيمته اللي سيران داست عليها، أو عشان يثير غيرة سيران. أمثلة:
١. أول يوم بعد الخطوبة وهم بيعملوا اجراءات الزواج بينت له قد اه هي قرفانه منه، قام كلم بيلين وقالها إنهم بيعملوا اجراءات الزواج
عشان يحس أن حد بيغير عليه، وفعلا العقربة جات له جري على عنتاب.
٢. تاني يوم سيران قالت له أنا مش عايزاك وانهي مسألة الزواج قبل ما تتم، فجبلها بيلين في الغرفة عشان يحسسها طالما انت مش
عايزاني ولا أنا كمان.
٣. لما وصلوا اسطنبول حاول يتقرب منها قالها أنا بحاول أهدي الأجواء ما بينا، قالت له ابعد عني، فكلم بيلين ووعدها يروح لها تاني
يوم، بس مرحلهاش لأنه فضّل يروح يشتري موبايل جديد لسيران ويرجعلها بسرعة عشان تكلم أهلها، وبرده صدته جامد.
٤. لما أهلها وصلوا اسطنبول صمم يروح معاها قالها بكل وضوح إنهم لازم يتقبلوا الوضع ومسيرهم يعيشوا مع بعض بشكل طبيعي إن
اجلا او عاجلا، هو كان بيتكلم من قلبه وبيسعى إن ده يحصل لكن هي نظراتها كلها مكنش لها غير تفسير واحد إنها مش بتفكر تكمل
معاه.
٥. لما جده أول مرة اهانه أمام سيران وطرده من سفرة العشاء بسبب الاسطى بتاع المجوهرات، كام قايم من السفرة وعينه كلها دموع
وطلع جري بدّل ملابسه وراح لبيلين، وهو بيركب العربية بص على الشرفة لقى سيران واقفة، هو اتجرح جامد أمامها، حتى أورهان
قال لايفاكات بعدها أنه زعلان أن هاليس أغا معملش اعتبار لفريد في وجود زوجته، أبوه نفسه حس بوجعة فريد ساعتها.
٦. فريد اللي خطط لليوم اللي اخدها فيه باليخت وأحرج بيلين في الجيم، ولما رجعوا بيلين هي اللي نطت من البلكونة ومع ذلك رفض
يروح معاها وقال لسيران أنا مش جايلي نوم وعايز اتكلم معاك، وسيران بردو صدته.
٧. لما هرّبوا اختها وراحت عند بيلين كان واضح جدا من هزار فريد مع بيلين "المبالغ فيه" إنه بيحاول يثير غيرة سيران أو أنه يرد
اعتباره بعد رفض سيران له (الحلقة رقم ٨ )
٩. المشهد بتاع مطعم البيتزا، هو كان واخد سيران السينما، لكن لما عابدين كلمه وقاله أن يوسف هو اللي هرب سونا، وحس أن سيران
بتدافع عنه، قرر يغظها ببلين وقالها تعالي نأكل بيتزا.
(المسلسل كل تفصيلة وكل مشهد وكل كلمة عايزة تحليل لوحدها، وده اللي مخلي المسلسل حلو 💕)
** التصرفات الغريبة مؤخرًا وجريه ورا بيلين والكلام الجارح اللي قاله لسيران (بيلين كانت في حياتي وهتفضل موجودة) ده رد فعل
حد مش في وعيه...الغضب والغيرة والخوف مسيطرين عليه، بيحب واحدة مش راضية تتقدم خطوة واحدة عشانه والتانية عندها
استعداد تضحي بكل حاجة عشانه...الكلمة اللي جات في الإعلان واتحذفت "ليتك احببتني نصف حبها لي" من غير ما هو يقول الكلام
ده احنا عارفينه....هو مُبقي على بيلين عشان المشاعر اللي هي بتديهاله مش عشان هو فيه مشاعر من ناحيته لها. سيران فعلا لو ادته
نص المشاعر والاهتمام من أول يوم كان هيسيب بيلين، بس....بس....بس....مكنش هيتصلح حاله ومكنش هيبقى رجل ...كاظم قالها
حكمة: لازم تبكي لتصير رجلا ، بنتي ستجعل منك رجلا، كان لازم يعاني مع سيران ويتعلم إن مش كل حاجة في الدنيا الإنسان
بيحصل عليها بالسهل، كان لازم يخوض المعاناه ده عشان يصبح سوي ومتحمل المسؤولية.
بس لو اتكلمنا ع سيران ف هى بنت عندها ١٩ سنه معندهاش اى خبره ف العلاقات كل احلامها انها تكمل تعليمها وتعتمد ع نفسها
وتبقى قويه مش زى امها اسماء اللى شايفاها بتتهان طول الوقتى علشان مش متعلمه وضعيفه ، بنت عمرها ماحسيت بحب من
اشخاص غ اختها وامها مفتقده الحب والعاطفه والدعم واما لاقت يوسف بيعوضها الحته ف حاست انها بتحبه وبعدين هى متعرفش ان
فريد طلبها علشان حبها هى فكرتها انها اتعامل معاها هى واختها كالالعاب مش عاجبه سونا بس عاجبه سيران او علشان وقعت القهوه
وكانت ممكن تتعامل معاه بعد الجواز عادى بس هى اتصدمت ببلين فريد بيرد كرامته وهى حاست بااهانه
ليست هناك تعليقات:
إرسال تعليق