مسلسل طائر الرفراف الحلقة 25 ردة فعل كاظم بعلاقة سونا وعابدين وطلاق سيران 🤦🏻♂️💔😱
مسلسل طائر الرفراف الحلقة 25 ردة فعل كاظم بعلاقة سونا وعابدين وطلاق سيران 🤦🏻♂️💔😱
حرفيا المفروض يسموا المسلسل (سونا)
الكاتبه حطاها محور الاحداث بشكل مش طبيعى وهى السبب فى كل المصايب ال بتقع فوق دماغ فريد وسيران.
١- سونا وقعت القهوه ⬅️ خلت فريد فيرو اتجوز سيران سيرو الشهيره بفستق عنتاب.😌
٢- سونا سمعتها باظت فى عنتاب ⬅️ خلت كاظم خد الاسره كلها والحاجه خدوج والغلبانه اسما واتنقل لاسطنبول.😐
٣- سونا قالت ليوسف ان فريد وسيران يعرفوا بعض من قبل الجواز ⬅️ خلت يوسف كلاحه يسيب عنتاب ويجرى على اسطنبول ويعمل مشاكل لسيران ومرتاحش الا ما دخل القصر وقرفنا بكلاحه امه.😏
٤- سونا شربت و سكرت فى السهره ⬅️ خلت ايفاكات تهزق سيران وفريد .😑
٥- سونا باست فريد ⬅️ خلت سيران مسخرت فريد ومسحت بكرامته بلاط القصر.🥲
٦- سونا هتتجوز بالاجبار ⬅️ خلت سيران ال لسا ماسحه بكرامه فريد الارض تتوسل لفريد وتبوس رجله علشان يساعدها وتخضع ليه ولكل طلباته علشان خاطر عيون الست سونا ال حطت اختها فى موقف منيل بستين نيله بقميص النوم الابيض ال كان اخر لبسه ليه قبل ما يتقطع💔🥲
٧- سونا هربت ⬅️ خلت امها تتضرب واختها تتخنق ومكتفتش بكدا لا ضربت ابوها على دماغه فتحتهاله ونضف ورانا يا فريد .🥹
٨- سونا رجعت ⬅️ ابوها تابى تابى تابى لما عرف انها كانت عند سيران قلب عليها هى وفريد وقال لفريد كلام يضايق وفريد المسكين مضطر يتحمل رزاله امه بيلاسسسسسين. 🤫🥹
٩- عرف الاغا موضوع سونا ⬅️ مسخر فريد وسيران والطعام كالعاده بقى زى السم عليهم كلهم واحلى ما فيها دموع التماسيح ال شوفناها من فتاكات هانم.😌
المشاكل والمصائب الي وقعت فيهم سيران بسبب أختها (مش عارفة ازاي متعاطفين مع سونا)
1- سونا ضربت سيران علي أيدها عشان تحب يوسف ويقرفها.
2- سونا اتضربت علقة موت بسبب يوسف عشان متقولش انه حبيب سيران.
3- سونا قالت إنها كسرت سحبة ابوها بدل سيران عشان متنضربش.
4- سونا كانت بتغششها وهما بيتعلموا الفرنسي عشان سيران متنضربش.
5- سونا روقت بيلو وهزقت يوسف عشان سيران.
6- سونا كانت بتداري علي سيران لما كانت بتقابل يوسف.
7- بسبب اخفاء سيران عليها انها قابلت فريد ، سونا اتسوءت سمعتها والعريس الكويس الي جالها بعد فريد وكانت فرحانة بيه طفش وبقوا عايزين يرموها لاي حد حتي لو مطلق أو قبيح أو قد ابوها.
8- أن سونا كانت بتتلام لأن فريد اختار سيران لدرجة حبسوها في غرفتها وقت زفاف سيران
الي حصل لسيران بسبب سونا ؟ يمكن عشان اتجوزت فريد وقعدت مع عائله بتعاملها كـ انسانة مش خدامة وكشفت حقيقة يوسف !!!.
تخيلوا كمية المشاكل الي جات لسيران بسبب سونا ازاى متعاطفين معاها كدا 😥.
قبل محد يبرر انها سبب أن يوسف يروح لسيران قولت افكركم الاول أنه كان مقرر يروح لسيران من قبل ما سونا تكلمه اصلا + قالتله يعرف الحقيقة الي خبتها اختها عنها ووصلها لها فريد بشكل غلط ، يعني لو في غلط فهي من سيران الي خبت عليها وفريد وصلها الموضوع غلط.
وبما أننا مش لايقين عذر نطلعها حربؤه بسببه 😂 هنتكلم عن المشهد الي كانت شاربة ومش واعية فيه اساسا وندمانه عليه ولو حد مكان فريد كانت هتعمل معاه كدا برضة بس لازم شوية الصصبنص.
تخيل اقول لضحية الاثنين دول غوري واتجوزى واحد قد ابوكى وعنده اطفال عشان متعمليش مشاكل في علاقة سيرو وفيرو على أساس فيرو مقطع الدنيا اخلاص لسيرو عشان لما تبعد سونا علاقتهم هتتحسن 😂 العدل والمنطق في إجازة تقريباً.
١٠- سيران عايزه تساعد سونا ⬅️ مفيش الا الغلبان فريد يروح للاغا يعيطله شويه علشان يساعد الست سونا وطبعا فريد لازم يضيف شويه من بهارات فرييييد كورهااان ديمااا ويشتغل سيران ويقولها ان الاغا الكبير طالب يشوف اغا صغير حالا
لازم ياسيرو نحط الحفيد قدام عينه يا اما لا سونا ولا غيره🫣
وطبعا سيران المسكينه تقع فى دوامه تانيه من روائع الست سونا اختها🙃🤦🏻♀️.
رساله اخيره للست سونا ارحمى ال خلفونااااا🙄😵💫.
تحليل دور شخصية سونا في مسلسلنا طائر الرفراف
1- سونا ملهاش علاقه أن فريد وسيران يتجوزو لان فريد قال لأمه عايز يتجوز سيران علشان شفها قبل كدا.
2 لما سمعت سونا باظت السبب في كدا أبوها انه أجبر سيران تتجوز الي متقدم لاختها وطبعا مننساش فرید و کاظم اصلا كان ناوي يجوز سونا بأسرع ما يمكن ويروح لاسطنبول علشان جدو خالص.
3- هي فعلا غلطانه في موضوع يوسف بس كدا حولت تبعدة عن سيران مننساش أنها بعد.
-4-سونا لما شربت كان كلهم شاربين إلا سيران.
5 سونا لما باست فريد كانت سكرانه جدااا ومش عارفه هي بتعمل أي وبعدين مننساش أنها كانت ندمانه مع أنها عملت كدا وهي مش فوعيها واصلا قالت لسيران أن فريد مش ليه أي ذنب.
6- سونا لما كانت هتتجوز بالاجبار لو سيران معلتش صوتها مكنش أبوها هيجبرها مش بقول أن سيران غلطانه بس دا السبب وسونا مكنتش تعرف أن أستاذ فريد هيخلي سيران تتذل له.
7 سونا قبل ما تهرب هي كانت رفضه وقالت إن أمها هتترضب وكدا وكانت خايفه عليها ومقتنعتش بكلام سيران لحد أن أمها وسيران وفريد اقنعوها.
8- سونا رجعت علشان هي طيبه ومش عايزه تتسبب في مشاكل لاختها وكانت شايفه أن فريد وسیران بيحبو بعض وهيبقو أزواج بجد وضحت بأنها هتتجوز الراجل الي أبوها قال عليه و لما الأغا هزقهم وخلي الطعام سم مهو خلاه سم مليون مرة قبل كدا بسبب فريد ومشاكله.
10 - لما فريد راح يعيط لجده عيط علشان كان حاسس بالذنب من نحيتها هو بوظ حيتها في عنتاب مش هيبوظها في اسطنبول كمان وبعدين علشان هو عايز يخلف من سيران قالها كدا واجبرها مع أن جده مجبش سيرت الموضوع دا اصلا.
وبكدا أحب اقول ان سونا مظلومه وانا بحبها وكلنا بحبها وتمثلها حلو وشكرا.
ايوا انتو عايزين ايه يعني ما اكيد طبعا هيبقى ليها دور أساسي ! اصلا فريد كان رايح يتجوزها هي يا جماعة ، لو مركزناش على سونا اللي عايشة في عذاب مع ابوها هنركز على مين يعني ! اكيد مش هيبقى مجرد قصة حب تافهة بدأت بالإجبار و فجأة نلاقيهم في الجنينة و الملاهي و السينما.
و إلا كان مصيره هيبقى التوقيف زي بقيت المسلسلات ، اللي مخلي المسلسل قوي و مستمر ان كل شخصية ليها تركيزها الخاص بحيث أن الدراما مش بتخلص ده مش المسلسل اللي هتلاقو فيه قصة حب و بتاع.
وفريد هو أسوأ شخصية بأفعاله في المسلسل بغض النظر عن هو اتربى ازاي ، و سیران مظلومة محدش ينكر ده و ليها حق في أي حاجه بتعملها مع فريد ، و اخيرا حتي ا لو سونا غلطت ساعات فانتو مينفعش تهاجموا الشخصية بالطريقة دي لانكو لازم تحطو نفسكوا مكانها الاول ، و شكرا.
المسلسل مو بس قصة فريد وسيران ومشاكلهم لا فريد قصتو بحد وسيران وسونا قصتهم تختلف الي جانو عايشين عيشة مع ابوهم وسألو الطبيبة اي قصة أثرت فيك اكثر قالت قصة سيران وسونا وتمسكه بعض ويحلون مشاكلهم مع بعض.
والحب الكبير بين الاختين تعالو نحكي الصراحة فريد مظلوم؟ فريد عندو اموال وعايش بقصر وكل ما يرده يصير ومدلل وتعود على بنات لانه مدلل واي واحد بدل جدو طبعا راح يرزل بي هو بس رزالة لاكن عنفو ولاشي وشاف مامنو فايدة فزوجو لان يوميا فضيحة واخبار في الجرائد ورغم كل شي من حياتو يسمو مريض نفسي وشنو والله فريد مظلوم ومريض خطية أي اتفق انو مريض من ناحية شكو بسيران على طول لان هو ماضيه وصخ.
حسبالو سیران همها دراسة طفولتها هي واختها صعبة مع اب القاسي وحتى تخيلو ما يجتمعون عل صفرة وياكلون سوا وماعدا الضرب وبيوم وليلة تتزوج غصبا عنها ومنو فريد الي كل تفصيلة بحياتو غلط وعرفها عل حبيبتو وكل مايسوي شي جميل معاها وتريد تتقبلو يروح يسمعها كلام أو يسوي شي يمحي كل شيئ جميل.
انا بحب سونا جداً و شايفاها مظلومة اوي عاشت عمرها كلها بتضرب مكان اختها من كتر الضرب اللي خدته من ابوها خلاها بتتوتر من اقل حاجة علشان كدة وقعت القهوة لو لاحظتي بصت لأبوها و هو شاور براسه قدمي القهوة فمن توترها وخوفها وحماسها للجواز وانها هتتجوز فرید کورهان.
خلاها توقع القهوة كلها على الارض لو هنتكلم عن سبب المصايب في الاول فريد يتقدموا لسيران وابوها نيل الدنيا اكتر انه وافق على سيران و دي اكبر غلطة عملها طالما داخلين لسونا يا يطلبوها باحترام يا يشوفوا عروسة غيرها طمعاً عنتاب دي ضيعة واحنا عارفين الضيعة الناس.
ما بتصدق تتكلم على عرض و شرف بعضها تنهش في لحم بعض يعني البلد كلها عارفة ان فريد هيتقدم لسونا و عاملين حفلات لوش الفجر و فجأة يسمعوا انهم خدوا سيران اكيد هيقولو لقوا عيب في الكبيرة.
اللي عمل الجواز لعبة واختار بين الاختين و دي حاجة توجع وتجرح قوي و ان امه وابوه يوافقوا على حاجة زي دي و
علشان كدة خدوا الصغيرة و دة كان سبب انهم ينقلوا على اسطنبول ودة حقهم سمعتهم بقت في الارض علشان الباشا فريد عايز الصغيرة والل دفع التمن هيا سونا.
بردوعلشان كدة اقل حاجة يوفروا ليهم سكن في اسطنبول علشان البنت تشوف حياتها نيجي بقى على يوسف الغلط الاساسي على فريد يعني هو بيقولها انا و سیران عارفين بعض قبل الجواز و اتقابلنا لكن المفروض يكمل كلامه و يقولها ان سيران هزقته و حصل بينهم مشادات خليته يدخل في تحدي اني لازم اخدها على اسطنبول.
و لو هنيجي على موضوع يوسف فهي بردو هزقت يوسف علشان اختها و قالتله يبعد عنها وينساها هيا بقت متجوزة ومش نقول انها مش غلطانة لا هيا غلطانة انها.
متكلمتش مع سيران و سألتها انها تعرف فريد
قبل الجواز ولا لأ و لما عرفت اللي فريد و بيلين عملوه في سيران زعلت على اختها و بقت بتدافع عنها و تهزق يوسف و تطمن سیران آنها جنبها و مش هتسيبها و بسببهم كانت هتضرب من ابوها.
لولا تدخل فريد انا بالنسبالي سونا دي اكتر واحدة مظلومة و تستاهل حياة حلوة زي سيران و اتمنى تكون نصیب عابدین
يكون عوض و زوج حنين متفهم ليها.
ليست هناك تعليقات:
إرسال تعليق