مسلسل طائر الرفراف تحليل وتفاصيل الحلقة 23 والاعلان 24
مسلسل طائر الرفراف تحليل وتفاصيل الحلقة 23 والاعلان 24
هنحلل مع بعض كل مشهد منزلتش تحليلي بعد الحلقه ع طول زي كل مره حبيت احللها مع الاعلان.
مبدئيا الحلقه تاخد عشره من عشره ونجمتين كدا ♥🌿.
•اول مشهد ف الحلقه انا تصرفات فريد طول الحلقه عموما عجباني قعد واتكلم معاها بهدوء خالص وحاول يفهم منها لي بتبعد عنه بكل هدوء ومجابش موضوع يوسف ف النص زي م عمل معاها ف حلقه 11 بدا يتغير وبقا يثق فيها جدا لاكن هي عمرها م وثقت ف ف الحلقه11 لما قالها لي حبيتي يوسف قالتله وثقت ف راح قالها لاكن موثقتيش فيا وزعل جدا ودا خلاه يسأل يوسف لاكن بعدين هو وثق فيها وف كلامها وصدقها لما قالتله بعدين ان .
يوسف مقالش الحقيقه ونسي الموضوع معجبنيش كلام سيران لي ابدا ف المشهد طلعته غلطان ف الاخر وفعلا هو معاه حق ف كل اللي قاله قالها انا عملت كل دا علشانك وبحاول علشان علاقتنا ومافيش وحده ف حياتي غيرك فريد فعلا بدء يتغير بشكل ملحوظ وبدء يحاول بكل طاقته انه يسعد سيران ويحاول يحلي علاقتهم ويحسنها لاكن هي للأسف طول الحلقه بتهرب منه 🥹🤷♀️.
•تاني مشهد مشهد فؤاد برغم ان فؤاد ضرب فريد لاكنه هداه واحتواه وحضنه فريد بيحب اخوه جدا ونفسه يحس انه بيحبه صعب عليا اوي وقد اي هو محتاج لفؤاد كأخ بجد وانه زعلان ان فؤاد بيتصرف معاه كدا تفكيره بس انه اخو مش بيحبه دا بيزعله 💔.
•تالت مشهد لما طلع لسيران سيران بدل م تحتاويه وتخفف عنه لا ازاي قعدت برضو تصده وهو برضو كان ف الاول بيتكلم ع فؤاد وغير الموضوع ودخل ف علاقتهم وقعد يكلمها بصلها بحزن حتي مصعبش عليها ب اي شكل ولما قالها اكيد ف حاجات انا مش غلطان فيها يسيران راحت قالتله ابدا بدل م تقف جمبه وتسنده لا تزعله اكتر بكلامها فعلا معاه حق انا نفسي زهقت هو مش هيزهق ولما قالها ل امتي هيستمر دا زعلت وعملت حوار 🤷♀️.
•تالت نقطه كلامها مع الاغا كان حلو اوي والاغا بان ف المشهد دا قد اي بيثق فيها وبيميزها كمان وخلاها تحل مشكله بين اتنين دي حاجه كبيره جدا وطبعا حاجه حلوه اوي ان الاغا يأتامنها.
•مشهد اسومان مع طنط جوجو وسيران حلو اوي ولما كانت بتسلم عليهم وهما ماشييين كانت سكر طنط جوجو اعسل وحده ف البيت دا وهي اللي مصبراني والله فعلا فريد واخد حنيته والطيبه دي من مامته 🥹♥ وقد اي طنط جوجو طيبه ولما بيحصل موقف ل سيران او اسومان بتهديهم ويتقف جمبم وتحاول تصلح الوضع 🌿.
•مشهد حادث السير فريد كان هيقع من طوله اول م سمع ولما اتصل وشاف ان مافيش شبكه قلق وكان خايف ومرعوب ليكون جرالها حاجه واول م نزل من العربيه جري عليها يطمن وقالها انه خاف عليها حضنها جامد واتأكد انها بخير بعدين اطمن ع الباقي وقعد يقولها انه اترعب ليكون حصلها حاجه وخاف اوي عليها قد اي لطيف معاها وبيموت فيها حرفيا مش بيحبها بس فريد فعلا اتغير اوي علشانها وكل محاولاته ليهم وعلشان تحسين علاقتهم .
•لما طلع صحاها ومارضيش حد يطلع يصحيها غيره. ولا رضي ان حد يزعج اميرته المشهد دا كان عسل اوي حرفيا وفريد كان كلامه قمر اوي معاها وكذلك تصرفاته راحت صدته برضو وبليل ف الاوضه صدته لاحظوا معايا انه حاول معاها وانه يقرب منها طول الحلقه ومزهقش وهي كانت كل مره تصده كان بيضايق شويه لاكن كان بيحاول معاها تاني وبيعدي عادي وسابها براحتها ودي نقطه عجباني اوي ف 🥹🤷♀فريد قالها ف حلقه 8 انه مش هيقرب من وحده مش عايزاه لاكن لما عرف بحبها بتصده اه بس بيحاول تاني مش زي حلقه 8 اول م صدته بعد عنها وهو كدا كدا مكانش هيعملها حاجه من الاول بس كان بيشوف هتتصرف ازاي ️.
•مشهد التزلج كان حلو اوي حسيتهم افرا ومارت مش سيران وفريد خالص وكان مشهد جميل حرفيا فريد كان فرحان اوي بكل لحظه بيقديها جمبها وكانوا هما الاتنين طايرين من الفرحه وانبسطوا اوي ان فؤاد واسومان اتكلموا وحلو مشكلتهم فريد كان عاوز يقضي احلي وقت معاها ف الرحله دي وحب يشاركها كل حاجه بجد فريد مايستاهلش معملتها وصدها لي ابدا فريد يستاهل الثقه جدا معاكوا انه خلاها تعيط كتير وجرحها برضو بس بصراحه انا مع فريد الحلقه دي كل الحلقه بيحاول بيحاول بس انه يفرحها لاكن هي مش هتكلم كتير انتو شفتو🤷♀️.
•اخر مشهد لما فريد عرف من اخوه موضوع التبني فرح اوي اوي وانه هيبقي عم ودعم فؤاد جدا وراح جري ل اول وحده يقولها ويفرحها معاه سيران ولما طلع وقعد يسمع بيقولوا اي ملامحه اتغيرت كان ف الاول فرحان بعدين ظهرت عليه ملامح قلق وتوتر وبعدين زعل لما سمع باقي كلامها لسونا ودا بقا مشهد ياخد مليون من مليون وخشروميت نجمه حياه السيفار كلها عدت علينا ب مشاهدهم الحلوه والوحشه وكل حاجه حصلت بينهم من اول يوم والكلام اللي اتقال ف المشهد دا كان حلو اوي مشهد الفلاش باك دا اول دليل ان فريد وسيران مش هيقدروا يبعدوا عن بعض ولا هيطلقوا ولا اي حجا .
من الكلام دا سيران بنفسها قالت لا فريد هيقدر يبعد عني ولا انا هقدر ابعد عنه هما الاتنين متمسكين ببعض وبيحبوا بعض لاكن مشكله ثقه سيران دي ف مش هتكلم فيها سيران ركزت اوي مع كلام اسومان عن الثقه واساس الحب معاكم ان الثقه حاجه مهمه ف العلاقه بس فريد عمل كل اللي يقدر عليه علشان تثق ف طول الحلقه كان بيحاول وف اول مشهد نزل ع ركبه وباس ايديهاوقالها ادينا فرصه واتعامل معاها بحنيه وكان بيطمنها وهي قلبت الترابيزه عليه وانها كانت جايه تعيط مفكره هتلاقيه مع وحده وبلا بلا بلا.
•بالنسبه للأعلان تقريبا كدا هما بدءوا يركزوا تاني ع مرض فريد وتقريبا جاله نوبه سكر حاجه كدا فريد وسيران داخلين ع مواجهه جديه وماتجيش حاجه جمب خناقتهم ابدا هنشوف فريد تحت الاختبار وهو اللي هيحدد مصيره ب ايده كان ف تسريب بيقول ان فعلا مامت بيلين هتتكلم مع جدو هاليس وهتقوله بيلين وفريد بيحبوا بعض لاكن فريد بيرفض دا وبينكره وبيقول انه بيحب سيران واخيرا سيران فاقت بقا وخدت خطوه ل فريد وجهزت لاكن قلبي مش مطمني ل المشهد دا حاسه هتحصل حاجه تخرب الدنيا ومش هيحصل بينهم حاجه برضو تقريبا كدا بيلين وكل عيلتها ابجح من بعض جايه تفرض عليهم بنتها ماشفتش كدا بصراحه فريد مش هيختار.
بيلين اكيد طول الحلقه لما بترن عليه او تبعتله مسج ميردش وتجاهلها نهائي فاكرين ف الاول كانت تبعت مسج بس حتي لو كان فين كان يسيب كل حاجه ويروحلها ف دا برضو من تغيير فريد وهو مكدبش ع سيران لما قالها عملت اللي انتي عاوزاه وانتي بيقيتي الوحيده ف حياتي لبس سيران ف الاعلان لما اتصلت ع فريد نفس لبسها اللي كانت معديه بيه وطالعه فوق من جمب ام بيلين انا مش فاهمه اي جابها القصر اصلا تقريبا ام بيلين هتطلع.
وتتكلم مع جدو هالوسه بعدين هتنزل هتقابل فريد وتديله الكلمتين اللي ف الاعلان فريد هيطلع لجده يقولوا الكلمتين اللي ف الاعلان هينزل ينهار ف الاسانسير وتقريبا سيران هتتصل بيه بعد مع ينزل من عند جده وبعد م ام بيلين تيجي القصر هيجي فريد بليل متنكد ومضايق ومش هيحصل حاجه تقريبا ودا توقعي وعموما الاعلان مش مبشر خالليييص المره دي بس هنستني الاعلان التاني معروفه الاعلان الاول نكد علينا الاعلان التاني هيفرحنا والعكس برضو الحلقه دي عيطت كتيررر اوي خصوصا ف اخر مشهد واول م اشوف فريد دمع القيني مخلصه علبه المناديل اللي جمبي شوفولنا بقا دكتور نفسيه علشان نروحلها بعد المسلسل.
أنا حاسة سيران لما كانت لسة محبتش فريد كانت بتتعامل أحسن وأعقل بالكتير معاه وكانت عارفة تحتويه جدا بصراحة كانت شخصيتها تحفة
من ساعة ما ابتدت تحبه وتتعلق بيه وأنا حاسة أن شخصيتها اتغيرت للأسوأ
مبقتش عارفة تحتويه ومبقتش عارفة تسيطر عليه زي الحلقات اللي قبل حلقة المطار
بقت متخبطة ومشكلتها أكبر من مشكلة وجود بيلين مشكلة سيران أنها لسة مش عارفة تتخطى حاجز أنها اتجوزته غصب ومش قادرة تتجاوز بدايات علاقتهم والمصاعب اللي شافتها ودا ظهر في كلامها مع أختها
زي ما يكون حبها له أفقدها توازنها تماما وغيرها للأسوأ
لا هي عارفة تثق فيه ولا عارفة تنسى أنها اتجوزت مجبورة ودلوقتي اتعلقت به وحبته
والمشكلة الأكبر أنها فقدت الحكمة وحسن التصرف اللي كانوا بيميزوها لغاية حلقة المطار
مش عارفة بصراحة بس أنا مضايقة من التغييرات اللي حصلت في شخصية سيران.
ليست هناك تعليقات:
إرسال تعليق