مسلسل طائر الرفراف الحلقة 28 هل سيران مظلومة ؟
| مسلسل طائر الرفراف الحلقة 28 هل سيران مظلومة ؟ |
مسلسل طائر الرفراف الحلقة 28 هل سيران مظلومة ؟
انا بقالي فترة طويلة بحضر و انا ساكتة و بقرا اراء الناس و مستحملة القرف الي بيحصل.
بس اليوم انا وصلت معايا للاخر في المسلسل ده
كل يوم بشوف انه في بنات شايفة انه سيران سيئة، متستاهلش الحب، مش مضحية، مش بتحب فريد، هي غلط في كل حاجة …
سيران بقت الشخصية السيئة.
ف أنا عايزة ارد
هعرفلكم على سيران شانلي من منظوري و من الي شفته في المسلسل من اول حلقة :
- بنت عندها ١٩، لسه في اخر مراهقتها و اول حياتها.
- طول ال ١٩ سنة بتتعرض لكل انواع العنف الاسري: ضرب، شتم، حبس، تجويع ..
- لا بتاكل زي الناس، لا بتعيش زي الناس، لا بتلبس زي الناس
- ١٩ من حياتها بتحاول تحمي نفسها و امها و اختها الكبيرة من اب عنيف و طماع و عمة حيوانة ب اتم معنى الكلام، حتى الحيوان يحس.
- ليها احلام و طموحات و ذكية و عايزة تدرس و تكبر و تنجح
- في يوم و ليلة تنقلب حياتها و يحطوها ف اسوء موقف ممكن تنحط فيه انها تتزوج حد هي متعرفوش و مش عايزاه
- تامل قتلة و تنحبس و تتجوع عشان تقبل.
- حبت ولد يدرس معاها و ادته الامان انه يهربها و يساعدها بس تخلى عنها و عاشت خيبة امل
- استسلمت للامر الواقع و للزواج، و يوم زواجها تلاقي زوجها دخل عليها حبيبته لل hotel room
- اهانة لاي مرأة و لأي شخص حتى لو كان الزواج هي مش قابلاه.
- الناس الي بتقول هي سكتت و قبلت ف تستاهل ! برأيك انه بعد كل العنف هتقدر تطلع بعد ربع ساعة و تقول ل عيلتها انه حصل كده و كده و كده ؟ اكيد لا! شخص مخنوق من الخوف ازاي هترفض او هيكون ليها رأي اصلا
- تنام في الحمام و تطلع تلاقي زوجها مغمى عليه من السكري و حبيبته سكرانة و دايخة و رغم كده تساعده و تخاف عليه
- تروح ل مدينة ثانية كبيرة و صعبة، مع شخص اخذت اول سقطة منه في الحياة و مش حاسة بالامان معاه، عشان تلاقي نفسها ف قصر عبارة عن سجن ذهبي.
- م شجعوهاش عشان درستها و لا شغلها، عايزينها تحمل و بس ! بيشوفوها كلهم اداة للحمل لا اكثر و لا اقل
- العريس الغالي، متهور و مغرور و مدلل، بيجيب حبيبته للغرفة عادي بيتعامل ببرود و مش فاهم انه في انسان صغير في السن جنبه بيتأذى.
- حبيبها الي تخلى عنها يلحقها لاسطنبول و يحطها ف مواقف زي الزفت
- بيكذب على شرفها و زوجها يصدقه هو و يطلب منها لو عايزاه يصدقها تثبتله
- في الاخير مشاعرها مش قادرة تسيطر عليها، بقت بتحب و بتتحب.
- تلحق زوجها للمطار ترجعه و تبوسه، بس يكسرها في المطعم عشان يرجع لحبيبته و يرجع الغلط عليها و يقلها كلام وحش
- يروح يصالحها و يحقق احلامها لرأس السنة و لكن في نص ده يروح سايبها عشان يتكلم مع عشيقته
- يجيها عرض شغل يوعدها انه يروح معاها بس يخلف عن وعده عشان يروح يتخانق مع حبيب عشيقته 🙂.
- يزعق عليها و يعايرها بانها تتعرض للعنف من ابوها و انه ديه اللغة الي هي تفهمها يوم عرف انها راحت للشغل لوحدها
- يقولها انا هجيب طفل من عشيقتي
- يروح يعملها فضيحة في المطعم قدام كل الناس.
- ترجع للبيت تفكر فيه و قلبها عليه بس تقوم تلاقيه مش في الاوضة عشان هو نايم ف بيت عشيقته عشان عشيقته تأذت
- تلاقيه داخل ب عشيقته على البيت زارعها في الاوضة معاها و جالس جنبها بيضحك و يلعب قدامها و هي بتعيط في الحمام و هو يتصرف معاها بكل برود.
- ابوها يتصاب بالرصاص بسببه و بسبب عشيقته
- ينتهي الموضوع زي ما هي فاكرة و بتحاول تبدا معاه بداية جديدة بعد مع اعترفلها بحبه
- يشيل البلوك على عشيقته.
- تطلع ام عشيقته عايزة تطلقهم و تزوجه بنتها
- بتسمع زوجها بيقول لامه انه انت كمان وعدتين انه انا اعمل الي انا عايزه بعد الزواج
- بتحاول تحمي زواجها ف تاخذ وعد من زوجها انه مش هيعمل حاجة بدون ما يقلها ولكن تلاقيه اليوم الي بعده بيضحك مع عشيقته في البيت.
- بتحاول تدي فرصة ثانية و تروح تحل المشكل تلاقي ام العشيقة بتهينها هي و امها و يروح في بالها انه زوجها تكلم عم خصوصياتهم ل عشيقته و لما تطلع تلاقيه بيتكلم مع العشيقة
- ترجع للبيت تزعق عليه و يزعق عليها و في الاخر يرفع ايده عليها.
- الحلقة الجاية نشوف ازاي هتاكل ميتين قتله و جسمها هيتعلم بس فريد مش هيشوف 🙂
قلولي بقا ! سيران لسه الشخص السيء صح ؟
ليست هناك تعليقات:
إرسال تعليق