مسلسل طائر الرفراف الحلقة 27 تسريبات قوية وصادمة 😭🔥💍👨👩👧
مسلسل طائر الرفراف الحلقة 27 تسريبات قوية وصادمة 😭🔥💍👨👩👧
طيب شايفه ناس كتير اوي مضايقه مع اني شايفه ان الموضوع ماشي كويس جدا ..❤️.
هدي توقعاتي قد تحدث او لا تبقي معظمها توقعات ولكني عندي شعور كبير انها هتحدث بناء ع خطه العمل ومسارها الي الان ، وتاكيدأ ان حدث كلامي الفتره اللي فاتت فخلينا نشوف الحلقه الجايه واللي بعدها مع بعض وتفاصيلها ..❤️.
الموضوع دلوقتي مفيهوش تالت :
الاول واللي الناس معظمها حاسه ان :
* كاظم قدرت زيزين تساومه بشكل كبير عشان ياخد ارض اكبر بما ان كده كده فريد هيطلق سيران عشان هو كمان يدعم الخطوه وهو استجاب ودعمها ..!.
* فريد قعد يبكي ويشكي احزانه لايفكات وهي بتساعده وهو خلاص استسلم وشاف ان الطلاق هو الحل.
* اتكلم مع سيران ولقي انه الحل بالنسبالهم المناسب الطلاق.
* ايفكات وزيرين خططهم ماشيه تمام وناجحه صح كده وهيطلقوا خلاص ❤️❤️
( ده اول توقع معظمكم مضايقين منه 🥹).
( تاني توقع )
انا بقي متوقعه ده اكتر بكتير ..!
* فريد مقعدش مع امه اتكلم المره دي قعد مع ايفكات اللي استلمته من ع السلم عشان تاكد ع فكره الطلاق ( فريد ذكي جدا متنسوش ده ، هو هيفهم فوري انها مش عايزه العلاقه حتي لو هي باين انها بتدعمه وبتحبه فعلا وخايفه عليه.
لو نخ وقرر الاستسلام ، انا متاكده انه مش هيقدر ويعمل اللي يخليه يكشف ايفكات ويوصل لطرف الخيط ويمسك فيه ، بغض النظر تمامآ اذا كان دي خطه موضوعه بينه وبين سيران او لا فريد لن يترك سيران )
مش قالتله عايزه تعمل حاجه اثق فيها بيك ( هيعمل ) ❤️.
* سيران وانا قلتها للي متابعني هترجع تردم نفسها وتدفع ثمن ما فعلته غالي 😂😂😂.
ده بقي جزاء سيران اللي قلت عليه من افعالها
* قلت الدعم هيتشال من عليهم ومش انتو بس عايزين تطلقوا طيب يلاا اتفضلوا اطلقوا ، مالكم متنحنين ليه ؟😂
( سيبدأ فريد الحرب وتلحق سيران به وتنتهي الحرب لأجل بعضهم لاضد بعضهم ، هيحاربوا حرفيآ عشان يرجعوا سوا ) ..!❤️.
* كاظم متوقعه انه رفض او حسس زيرين انه موافق لكنه ف ف دماغه حاجه ( مش بتقولي طلاق طيب خدي الطلاق يلا ووريني هتعملي ايه ) ، سواء فعلا بيبع بنته كالعادته او ف دماغه حاجه يكسبها من الطرفين عشان كده دعم الطلاق وان كنت اميل للحل التاني ( انا شايفه ان الوضع ده خدمنا جدا ) ..❤️.
* سيران حاليا مجبره هي اللي تبدأ تفكر بعقل وتدور ع فريد وتشوف ليه ده حصل ومين السبب وتقعد تفكر وتعيد حساباتها كده بهدوء ..❤️.
* عابدين اظن موضوع سونا اتعرف وكان بيمنع فريد من حاجه او بيتناقش معاه اظن ده اول مره نقاش مجدي بين عابدين وفريد هيخلي فريد مش يستسلم ..❤️.
اقتربنا هانت وخلونا نشوف رايحين ع فين سوا ونشد المقاعد ونتفرج❤️🥰.
النهارده انا وعدت انزل عن سيران قبل بيلين لاني محتاجه الحقيقه شويه اتكلم عنها بأستفاضه واقول ما لها وما عليها ثم اربطه بفريد ..!.
هتكلم كلام نفسي تقيل وبأذن الله يكون مفهوم بالنسبالكم ..❤️
اللي هيشوفني بهاجم فريد هيعتقد اني بدافع عن سيران فقط وبعدين يرجع يلاقيني بهاجم سيران فيستغرب لكن الحقيقه انا من زمان قايله ان الاتنين عندهم اضطرابات وغلطانين غلط تام وكامل ف حق بعض ..!.
تناولت جزء من اخطاء واغلاط فريد فبالتالي النهارده هتناول جزء كبير من سيران والبوست هيكون طويل ..❤️.
قبل اي حاجه حابه اقول ان سيران وبيلين يشتركوا ف نقطه معينه نفسيه ودي الحاجه الوحيده اللي هما الاتتنين بيشتركوا فيها ✔️.
* اتسألت سؤال رائع ليه سيران حبت واحد أذاها بالشكل ده ، نفس السؤال بالظبط ينطبق ع بيلين ازاي متعلقه بواحد عمل فيها اللي عملوا بكل نزجسيه ومازالت عايزاه وبتحبه ؟
- الاجابه حاجه واحده تربيتهم ونشائتهم ..!.
نوضح اكتر ؟
تمام بيلين اتربت ف بيت مع اب وام خاصه نرجسيه انانيه تفرض علي ابنتها كل حاجه بدون ما تسالها عن رأيها،
ملهاش حق تعترض او تتكلم ولو حصل برضه السيطره بتكون تحت قياده الاهل ، لان كل حاجه هي بتنفذها غصب عنها لدرجه انها تختار ليها اللبس كأنها طفله.
، فهي هربت منهم عشان تقدر تعيش حياتها ( نقطه هنا هي وقعت بدون ماتعرف ف شخص شبيهه اهلها بالظبط ) ، ونقطه كمان ( هي مكنتش هتقدر تقع ف شخص سوي وتدخل ف علاقه صحيه لانها مكنتش هتنفع فيها ، هي اتشددت لواحد بيمارس معاها اللي اهلها بيعملوه بالظبط ( نفتكر سوا سريعا مايثبت كلامي.
كان بيمنعها تعرف حد هو مش عايزوا ، مكنش بيخليها تقابل صحابها ، كان فارض عليه استايل معين ف حياتها تمامآ، ليه رأي وكلمه اخيره بيقولها وينفذها وهي سمعآ وطاعه ، بيخونها وموافقه لانها شايفه ان ممكن نقص من عندها ) كده اتفهم قصدي ..؟ ( هي ضروري من زمان محتاجه طييب نفسي عشان تقدر تتهلص من ( trauma bond ) ..!.
الخاصه بفريد وتقدر تدخل ف علاقه صحيه
* نرجع لسيران ( سيران اتربت مع اب عنيف قاسي جامد اتعاملت بعنف وجموديه وحياتها كلها مع باباها مشاكل وصخب وقلق بدون عواطف ( دخلت ف علاقه جواها كده اصلا ، ومليئه بده وبيئه خصبه جدا.
وصالحه لمعاناتها القديمه فبداءت تحس انها بتألفها وتشببها كما قالت لبيلين فوقعت ف حبه ، يعني بالمختصر هي كمان مكنتش هتقدر تقع ف حب شخص ف علاقه صحيه ، ولو وقعت كانت كل معانتها مع اهلها وتعبها النفسي برضه هيطفح ف العلاقه عاجل غير اجل.
وكان الفرق ف الاستقبال لو شخص سوي صحيح كانت هتتحسن ، وهو هيبقي عارف يتعامل معاها ازاي لكن لو شخص غير سوي زي فريد فحياتهم الصلاه ع الزين مجانين الاتنين 😂🤝.
كده تمام لا مش تمام !
( لان مش الطبيعي تحمل شريك حياتك مشاكلك واضطراباتك الشخصيه ومفروض تحلها وتشتغل عليها بنفسك ومش مفروض هو يحلها ويشيلها عنك ويتحملها ).
*ليه عشان سيران من اول يوم وهي بتحمل فريد كل اوجاعها ومشاكلها النفسيه كلها بذنب او بدون ذنب ( وهو لما عمل اللي عمله ف اول يوم جواز اكد الفكره اللي هي اصلا داخله بيها من ناحيته ).
هي حملته ضرب باباها وانها غصبها ع الجواز*
* حملته معاناه اختها وانهيارها لانه اختار سيران عن اختها
* تقياءت ف وجهه جميع اواجعاها دفعه واحده وزي ما قلت هو كان بيئه صالحه جدا لده وساعدها.
* سيران عندها حاجه اسمها anxiety attacks نوبات قلق وخاصه لما تتحط ف حاجه تستدعي القلق المنطق بيتلغي تماما والخوف بيحل محله وتتوقع اسوء التوقعات وتخاف بناء ع ماضيها.
واحيانا بيحصلها panic attacks
والشخص القلوق نفسيآ مبيعرفش يعيش
طول الوقت مرعوب خايف
مترقب
حاسس انه مش ف امان
دايما قلقان
دايما متوتر ، يتوقع الاسوء ، خايف جدا يتوجع ، بيخاف جدا ع نفسه ، مش بيثق ف حد ابدا.
وهي لانها صغيره ف السن وجايه لفريد وهي مليانه جروح خايفه جدا ع نفسها ، فبدافع عن نفسها بشراسه وكل حاجه ممكن يعملها تكون عاديه ف نظر غيرها هي كبيره ومرعبه ف نظرها فبتتعامل بجمود وقسوه كغطاء خارجي لمشاعرها الدافئه المحبوسه المنغلقه جواها لانها خايفه تطلعها تتوجع وتتكسر اكتر فبتصد بالشكل ده وبتتعامل كده.
وفريد الحقيقه فشل فشل ذريع ف انها تثق فيه وهي اصلا جايه عندها ازمه ثقه A crisis of psychological confidence وهو زودها بطريقته بدون ما يعرف لانه اصلا عنده اواجعه الخاصه اللي مش عارف يتعامل معاها ولا عارف انها عنده ومحتاجه يحلها.
نقدر نقول ان الظروف حطت فريد وسيران شخص مضطربين نفسيآ ف علاقه غير سويه غير صحيه وقعوا فيها ف حب بعض لان حياتهم الشخصيه كانت تشبهه الي حد كبير حياه عائلتهم اللي الفوها وعاشوا فيها وميعرفهوش غيرها
لذلك انا مستنيه يتعالجوا ويكملوا مش حابه ينفصلوا ابدا لانهم طبعا محتاجين ضروري علاج.
مستنيه يقدروا يأسسوا هما حياتهم حياه سويه بعيده كل البعد عن اذي الاهل والتدمير والنشئه اللي عملوها ف اطفالهم سببت صدمات طفوليه Childhood trauma لحد الكبر ووقتنا هذا ، فهي اصلا للاسف الشديد بتعمل ده غصب عنها كشئ مرضي مش بارداتها ووضع هي اتحطت فيه ف صغر سن وجروح اكبر من سنها ..!.
Chronophobia وكمان عندها
رهاب من المستقبل بترفض تعمل حياة تفشل فيها فيمًا بعد والبيئة اللى حواليها مش مساعدها إنها تعيش صح وبارادتها واللي خلاها عدوانـ ـية ناحية فريد وأفعاله إنها بتشوف فيه ابوها وقت الغضب او وحشيته فبتحاول تحمي نفسها ولا ارداية عقلها بيتفاعل بطريقة غير مدركة ليها.
محدش بص لموضوع بجوانب وزواية تانية الكل فاكر المسلسل عائلى وإن سيران تستاهل أبوها مش فريد وإنها ست زوجة فاشلة الموضوع برا أطار الدراما ورمانسيه والعائلة
اللي ميفهمش جوانب النفسية مش هيفهم إن المسلسل كله مرضي بانواع.
مش مسلسل مين مضحي ومين اللي مضحهاش
محدش ضحي فى المسلسل كله سايب مرضه يتحكم بيه مش بيتعاملوا بعقولهم وادراك للواقع عشان كده دول قادرين يثبتوا لبني ادم إنهم مش مرضي يقدروا ياخدهم فى عالم انه مظاليم والطرف التانى اللي وحش.
معاكي في كل اللي قولتيه ... لكن أنا ف رأيي إنسانة طيبة جدا محبة للخير زي فريد ع فكرة بس هي متواضعة أما فريد فكان مغرور شوية وانا شايفة حبها لاسومان وسعيها للصلح بينها وبين جوزها لو هي واحدة مش كويسة كانت قالت وانا مالي.
حتي لما عرفت أن اسومان مش هتخلف حزنت من قلبها مع أن لو حد تاني كان فرح انها هي تجيب حفيد وتكون الكل بالكل ... نقطة ثانية تفتكري لما عرفت بخيانة اورهان مكنتش تقدر تتكلم وتهد الدنيا لا بالعكس شالت وكتمت جوه قلبها حتي في عتابها لجولجون.
وقت الرجوع من المطعم ما تقيأتش دا عليها بل فضلت الصمت ... معطاءة بتحب اختها قلبها طيب برغم كل اللي عمله كاظم فيهم عليه.
وقت المستشفي وبرغم من كسرتها من فريد سامحته هي فعلا لو كان معها شخص سوي من الاول واداها ثقة وحنان كان كل عقدها اتفكت بسهولة لكن فريد لأسف كبر العقد جواها وصلها لمرحلة صعبة انها لم تقدر تثق فيه خلاص.
ليست هناك تعليقات:
إرسال تعليق