مسلسل طائر الرفراف الحلقة 29 سيران بين احضـ ـان فريد 👩❤️💋👨 الحفيد قادم 👶💃😘
مسلسل طائر الرفراف الحلقة 29 سيران بين احضـ ـان فريد 👩❤️💋👨 الحفيد قادم 👶💃😘
طيب انا حابه البوست ده هيكون للناس اللي تابعتني من اول ما بداءت اكتب واحلل عشان هما اكتر ناس عارفين انا كنت بتوقع ايه ❤️.
انا قلت اني هحتفل ف العيد
ولكن الحقيقه ده مش غرور ع اد ما احتفال بنجاح جزء كبير جدا من توقعاتي ، رغم اني اتهاجمت جدا جدا ف اوقات كتيربدون ادني سبب واتشتمت بدون مااعمل حاجه عشان توقعاتي وخلوني امتنعت فتره ، لكن فالحقيقه انا قطعت شوت كبير اوي معاكم وحابه النهارده احتفل بده 😂❤️.
* نفتكر سوا كده قلت ايه من بدايه ما كتبت ف خطوط عريضه ورؤيه ثابته من اول المسلسل رغم تذبذب البعض واعتراضهم ع كلامي ، لكن من بدايه المسلسل كنت متاكده من ده ف عز ماكله شايف فريد مش هيحبها مريض والعكس ، انا كنت متاكده انها مسائله وقت ❤️.
*قلت ان سيران بلاشك هتحب فريد
* ان بيلين شخص سئ مش زي ما باين عليه طيب..!
* قلت ان فريد مضطرب وانه هيتغير بسبب حب سيران وانه بيعشقها وانه شخص كويس جدا لكن ده نتيجه تربيته وسط عيلته وهكذا سيران.
* قلت ان عاجل غير اجل الضغط ده هيغير فريد ويخليه ينضج ويسترجل ويحب سيران بجد.
* قلت ان كاظم مش اتغير وانه مازال مستغل ويحمل الجانبين.
* قلت ان هاليس سبب مصايب عيلته بنرجسيته وكاظم هكذا.
* قلت ان فريد هيعمل اللي معمهلوش جده ورجاله عيلته.
* قلت ان فريد ف اختبار ومنتظرين ينجح وده اقسي واقوي اختبار عيمر بيه وهكذا سيران
* قلت هيبدا الحرب لوحده وهتتبعه سيران.
* قلت هيكتشف ايفكات وعمايلها وهيحطلها حدود.
* قلت انه هيدفع تمن افعاله غالي وها قد حدث.
* قلت ان فريد وسيران لما يتجمعوا هيطيحوا ف القصر ده.
* قلت ان ايفكات هتعلن الحرب عليهم تمامآ وهتتفق مع زيرين
* قلت كمان ان ، مش السيفار بيستهبلوا الكاتب حطهم ف حته طيب يلا اطلقوا وابعدوا واحبرهم ع البعد بس ليه مش عايزين يطلقوا وبيحاربوا عشان بعض بدل بعض.
* قلت هيتوجعوا جدا ويعانوا عقبال مايوصلوا لبعض عشان يبدءوا صح وع نضافه ويكون فريد شخص سوي وفي ، وده شوفناه ف اعلان النهارده بالذات
* قلت ان فريد لازم هو اللي يطلع بيلين بره حياته وها قد حصل
* قلت ان سيران ابتلاء وامتحان القصر ده وها قد حصل
* قلت ان الدعم هيتشال من عليهم تماما وهيبقي فيه اصلا رفض لعلاقتهم وهيقفوا ادام الكل وها قد حصل
* واخبرا قلت ان هيحصل حرب بين العيليتن وهاليس هيجيب سيران يحبسها وفريد لما يعرف هيقلب الدنيا
ياريت اللي فاكر زياده يفكرني 😂❤️.
ده بقولوا ليه برد بيه فقط ع كل الاهانات والشتايم اللي اخدتها من كام شهر بدون وجهه حق لمجرد اختلاف ف الرأي واني بهبد وبعك وعيله ولكن الحمدلله رؤيتي الثاقبه للمسلسل كانت من اول حلقات ومازالت حصلت وبتحصل وبتوقع قبلها من كام حلقه وبيحدث ❤️.
البوست ده انا كتباه لترتيب الأحداث بالنسبة للحلقة من الإعلان الأول والتاني
اولاً في بيت كاظم (او البيت اللي كاظم فاكر انه بتاعه وبيطرد أصحابه منه)
سيران بعد ما عيلة صفوت مشيت هتتخانق مع كاظم وتقوله انا لا اريد الزواج من أحد ارجوك وبعدها كاظم هيضرب ها ويقولها مثلما تعيشي الان سوف تستمري بالعيش بنفس الطريقة زي ما شوفنا في الإعلان الأول وهيكون سونا وأسماء وخدوج قاعدين يعيطوا عليها وبعد ما يطلع من الاوضة هيكلم الأغا ويقوله احنا نعمل عقد قرآن مشترك .
وعلى الاقل نوفر في المصاريف هتدخل سونا تواسي سيران وتاني يوم الصبح خدوج هتحاول مع كاظم علشان يرجع عن الجوازتين بس هو هيقولها ان الاتنين هيتجوزوا بعقد قرآن سريع وانتهي الأمر وبعدها تقريباً هيجي حد من القصر بحاجة سونا وسيران وسيران هتنهار بعدها علشان هتكون فاكره ان ده رد فريد عليها .
بعد مكالمتها ليه وسونا هتكلم فريد في التليفون وهتطلب انهم يتقابلوا وبعد ما تقابلوا هتطلع تلاقي سيران منهارة والاوضة مبهدلة بسبب الهدوم اللي في كل حته هتكلم سيران وهتقلها انها نزلت وسيران هتسألها انتي قابلتي عابدين وسونا هقولها انها قابلت فريد وقالت له على كل حاجة بس سيران هتتوقع انه مهتمش بس سونا هقولها انه بالعكس اتعصب جدا
ثانياً في قصر عائلة كورهان.
فريد صحي على صوت بيلين وسلطان وبعد ما طردهم نام وبعدها فريد صحي كلم سونا واتفق يقابلها وهو نازل قابل ايفاكات وقالت له انها مش هترتاح غير لما يطلقوا وهو مسكتلهاش ووجهها وراح قابل سونا وقالت له على موضوع طارق سابها وراح ضرب طارق وتقريباً هي شافت الغضب والعصبية اللي كان فيها فكلمت عابدين وعابدين راح وراه .
وعجنو طارق والحرس واحد واحد وهدد الأغا انه ميجبش سيرة سيران على لسانه وبعدها طلع من قصر عيلة صفوت واتصالح هو وعابدين في العربية وبعدها عيلة صفوت هيأخدوا الحرس ويروحوا عند كاظم ويهددوا انه لو رجع في الجوازتين هينتقموا منه وهيعرف ان الرجوع عن الجوازتين يعني موته وهيطلب صفوت منه انه يقابل سونا ويحاول يقرب منها وكاظم هيخاف ف هيعمل اي حاجة علشان الموضوع ده يتم .
وفريد رجع القصر واتكلم مع الأغا هاليس وقاله على العرض اللي عرضه الأغا على كاظم وإن كاظم وافق وبعدها هاليس هيروح هو والحرس ولطيف عند كاظم ويرد ضربة فريد ويجيب سيران غصب عنها ويجبرها تقعد في اوضة سونا لغاية بليل وتقريبا كل انهيار سيران في الإعلان انها هتفتكر كلام فريد لما قالها انها مستحيل تعارض رغبة جده وابوها .
والاتنين قالوا هترجع يعني هترجع حتى لو غصب عنها او ان ايفاكات او سلطان حد فيهم قالها على موضوع جوازة بيلين او ممكن تكون رافضة تفضل مع فريد في أوضتهم بدون توضيح موضوع بيلين ومش عارفة فريد كان فين في الوقت ده بس الإعلان التالت هيوضح النقطة دي
اسفة لو طولت واى حد عنده تعديل أو أي حاجة انا فوتها يكتب في التعليقات 👇
هو الحقيقه انا لحد دلوقتي مش عارفه خط طارق هيكون ايه يعني اللي متأكده منه انه هيكون عامل اساسي بوقاحته ان سيران تدرك قيمة فريد أكتر وانه مش بالسوء اللي دايما شايفاه فيه وانهم بقالهم اد ايه متجوزين وبيحبها وهيموت عليها الا انه كان صبور جداااا وغالبا هتدرك كمان ان لو اتطلقت من فريد .
فهتقع واقعه اسوأ بكتير وشبح امها اللي كان وهم في دماغها مع فريد هيبقي حقيقة واسوأ مع طارق ومن هنا سيران يبقي عندها هدف قوي ترجع لفريد وتحارب عشانه وتعالج كل الاثار السلبيه اللي اتسببلها فيها قبل كده.
في تسريبات ان سيران مش موجودة في بيت كاظم وان الصلح اكيد في الحلقه ٢٩ حلقة والنهاردة كان في تصوير في القصر سيران موجودة او لا محدش يعرف
طب كده طارق لازم يتحد مع طرف عشان يفرق بين سيران وفريد طبعا بجانب ضغط صفوت علي كاظم
اصلا و باب علي بابا اللي هيتفتحله وسونا اللي اعتقد انها هتتجوز قريب جدااا 😔
طب هنا دور هاليس ايه هيفضل سايق في غضبه ومعمي عنيه وماشي ورا ايفاكات كتير يعني الصراحه مستغرباه جدااا واتمني مشهده مع مساعدته لما قالها انه فاهم غرض ابفاكات ميكنش ساقطه من الكاتب ويتنسي ويدرك بسرعه ان دخول صفوت ع الخط هدفه بس الانتقام من عيلته ياريت يعرف باللي طارق هيعمله مع كنته يمكن وقتها يفهم.
ليست هناك تعليقات:
إرسال تعليق