مسلسل طائر الرفراف الحلقة 30 سيران تكتشف الحقيقة 😱🔥 هل ستندم على فريد 😥💔
مسلسل طائر الرفراف الحلقة 30 سيران تكتشف الحقيقة 😱🔥 هل ستندم على فريد 😥💔
فريد بيهرب من الواقع بالسهر
مش رجع لعادته القديمة وما اتغير لأ
هو بيهرب من الأحداث الأليمةفي حيلته بالسهر والشرب
تفتكروا يوم ما اكتشف خيانة أبوه
كيف كانت حالته كان بيشرب زى المجنون بينتقم من نفسه بيعاقبها
تفتكروا يوم اجبروه على الزواج
لما يتخانق مع سيران.
بيجري على عابدين يسهر ويشرب انتقام عابدين بيكون واقف نظراته مجنونة عليه خايف ل يعمل حاجة في نفسه من فرط جنونه وشربه
( لما كان منتظر من سيران انها تدعمه وتقف معاه وتصدقه لما اخر مرة اتخانق معاها ما جري على السهر والشرب بالعكس بدأ خطوة التغيير .
واخد عابدين على شاطئ البحر واكل فسدق😅 وفضفض مع عابدين ده يوم ما كانت مصممة على الشغل مع ايفه وهو رافض وراح وراها المطعم ) لكن المرة دي هو دخل حالة #يأس اللي هو اتغيرت زى ما اتغيرتش مافيه حد ملاحظ تغييري وحزني كله بيفكر في نفسه هاليس فكر في العيلة وطلقه
سيران فكرت في نفسها واطلقت منه وراحت ل طارق وتركته رغم حبه لها .
ف ليه احافظ على نفسي وتغير نفسي للأفضل ومحدش مهتم نرجع للسهر والشرب من باب الانتقام والهروب
( غالبا مشكلة السكري عنده بسبب كبت طفولة مشكلة حصلت معاه ولكن المؤلف لسه ما سلط الضوء عليها )
لما يتخانق مع جدو هاليس ويهرب للسهر .
هو شخصية لما يحزن يلجأ للسهر والشرب مش بيعرف يعمل حاجة غير أنه ينتقم من نفسه بالشكل ده
نوع من أنواع الهروب
بيلين اللي اخدته بيتها وهو سكران مش هو رايح بمزاجه.
فريد زى طفل كان ممكن سيران تشكله براحتها زي ما تحب لكن هي غبية وانانية
هو لما افتقد مصدر أمانه + كل العيلةضده
جري على السهر والشرب وهيقع فريسة ل بيلين والصحفي للاسف.
للناس ال بتقول ان سيران كان عندها حق وان فريد متغيرش.
كلنا شوفنا مشهد فريد من خمس حلقات فاتت لما قال لسيران انا مش بإيدى احذف الماضى لكن بإيدى اصلح ال جاي انا بحاول وبدأت اتغير وعايزك تساعدينى اكمل دا.
ركزوا على كلمه (ساعدينى).
حد منكوا شاف مساعده سيران؟
فريد بقاله 10 حلقات بيحارب مع نفسه علشان يصلح علاقتهم وهى واقفه مكانها لا حياه لمن تنادى؟
حاول 100 مره يثبت نفسه علشان تثق فيه وصبر عليها كتير وهى دايما بتصده وبتبعده عنها.
لما حس بأمل 1% منها اعترف بحبه وقالها انتى الوحيده فى قلبى ومش عايز غيرك
ووقف ضد بيلين وامها وقالهم بعلو صوته اطلعوا من حياتى.
وضحى كتير علشان تصدقه لغايه لما اتهمته انه قال اسرارهم لزيرين ام بيلو وكلنا عارفين انه مظلوم فى الموضوع دا وان افاكات ال قايله .
هى بقى من غير ما تسمعله وتفهم منه ضغطت عليه وقالتله كلام جارح وقللت من رجولته وقالتله انت قذر و متستحقش تكون اب ولا زوج.
وكان قبلها عنده Panic Attack ولسا مخرجش من النوبه واتعصب من كلامها وحط ايده على جبهته وهى عارفه من عابدين ان الحركه دى يعنى خلاص كدا جاب اخره وهيفقد السيطره مع ذلك كملت واستفزته اكتر لغايه رفع ايده من الغضب من غير ما جه جمبها ولا لمسها فى لحظه قلبت الترابيزه عليه.
وسابت البيت وحولته لواحد عنيف ميعرفش يعنى ايه تفاهم وقالت لاهلها بتعرض لعنف وكأن فريد بيصبحها ويمسيها بعلقه وخلته يتساوى بكاظم ابوها ال عنده سوابق فى العنف.
مع انها دايما كانت تمارس عليه العنف اللفظى والجسدى سواء بالاهانه والتقليل او بالضرب وهو ولا مره اشتكى من دا.
فريد برغم اتهامها واهانتها ليه مقدرش يتخلى عنها وراحلها البيت علشان يرجعها لدرجه انه تنازل عن كرامته لما ابوها ضربه وقام مد ايده ليها وقالها برغم الصفعه دى لكن تعالى معايا نمشي من هنا.
بكل برود قالته اذهب يا فريد!!!
وكلنا شوفنا قهرته لما بدأ يصرخ فى العربيه و احساسه بالاهانه والخذلان.
وبعد كل دا مجرد بعتتله ماسدج فرح وراح يجرى عليها فكرها اخدت خطوه صح اخيرا وبدأت تفوق وتتمسك بعلاقتهم
يتفاجئ بيها بتقوله احنا انتهينا لكن معلش ساعد اختى!!!!🙂
ولما يرفض ودا من حقه تروح لاختها تقول اصله انانى مش بيساعد حد غير نفسه🙂
نو كومنت بجد مبقتش فاهمه مين الانانى يا استاذه سيران والله🙃.
كل دا ولسا عنده امل فيها وكلنا شاهدين قال لبيلو ابعدى عن حياتى ومتحلميش لن أطلق سيران وكمان وقف قدام جده وقاله ازاى تسمح لبيلين تدخل القصر ولسا سيران على اسمى. وبعدها طرد سلطان وبيلين ومش عايز حد منهم فى حياته لانه لسا باقى على علاقتهم ولسا حاسس انها هترجع فى اى لحظه وعنده امل.
تيجى اختها تستنجد بيه وتفاجئه ان سيران هتتجوز يتجنن من الغيره و ميترددش لحظه يعرض نفسه للخطر ويروح لوحده قصر صفوت ويضرب طارق ويحذره يبعد عنها .
سيران مسألتش نفسها فريد بيعمل كل دا ليه؟ علشان هو لوحده ال بيحاول ينقذ علاقتهم ورافض يتخلى عنها او يسيبها لغيره وبيثبت للمره الالف تمسكه بيها وحبه ليها برغم ان كل ال حواليه رافضين وجودها وهى بردو لسا واقفه مكانها والعناد عاميها ولسا شيفاه غير جدير بثقتها 😑.
مش كدا وبس تيجى هى بالليل بكل برود بعد ما كانت شاهده على كل تضحياته وقدامها تضحى مره واحده فى حياتها علشانه وتتمسك بيه .
رفضت تعمل كدا وبكل برود وقساوه قلب وقعت على الاوراق وقالتله انتظر دعوه زفافى!!!
وهو لاخر نفس كان متردد وبيبكى وزعلان ومش عايز يخسرها وهى ولا اتهزلها شعره .
ومحدش يقولى اصل جده خاطفها وجايبها بشكل مهين من بيت ابوها.
.
طيب ما فريد اكل قلم من ابوها ونزل عالارض تحت رجليهم واخر اهانه قدام كل ال واقفين دا غير ان عمتها وامها تفوا عليه حرفيا😠
ومع ذلك قام ومد ايده ليها واختارها هي ومعاملهاش بمعامله ابوها ولا اهلها مقالش كرامتى وشكلى لا اشتراها وضحى بكرامته علشانها ليه هى متضحيش مره علشانه ؟.
هى احسن منه فى ايه علشان هو يتمسك بيها وهى شايفه نفسها وبتتكبر عليه دا حتى عمرها ما تنازلت عن غرورها وقالتله بحبك هو هيعرف منين لو كان عندها مشاعر ناحيته؟
هيشم على ظهر ايده ولا هينجم وهى اصلا مش بتبين حاجه وكل تصرفاتها تدل انه منافس ليها مش زوجها وانها بايعه ولا فارق معاها.
لو بتحبه بجد هتتخلى عن عنادها وهتختار تديله فرصه خصوصا بعد ما اتغير واثبت تمسكه بيها وتغاضى عن اهانتها ليه هى وعيلتها.
ولاخر نفس لسا بيحاول معاها لما راحلها الجراج بعد كل دا طردته للمره الثالثه وقالتله انتهى اذهب و ماسكه ايد طارق قدامه ومفرقش معاها كرامته ولا دموعه وكسره قلبه.
كمان رايحه المول مع طارق ال فى اول لقاء ليهم تح&رش بيها وقاعده معاه لوحدهم عادى وعطياله مجال يتكلم معاها فى جواز وطلاق بكل هدوء بدون اى عصبيه من ال كنا بنشوفها على فريد بس.🙂
فين كرامتها الوقتى أنها تقعد مع متح$رش وتاخد وتدى معاه ولا كأن حاجه حصلت.
لا واتضايقت اوى لما شافت صور فريد فى البار وانه بيحاول ينسي القرف والضغط والخذلان ال شافه منها وكرهته فى حاجه اسمها تغيير.
لما كله سيان عندهم يبقى يرجع للايام القديمه عالاقل كان عنده لامبالاه وعايش حياته.
هى بقى عايزه تخرج مع واحد غريب وتعيش حياتها وهو يفضل يبكى عالاطلال ويمنع الاكل ويوقف حياته علشان واحده بتستخف بمشاعره وبتتخلى عنه فى كل فرصه بدون اى تردد.!!!
ليست هناك تعليقات:
إرسال تعليق