مسلسل طائر الرفراف الحلقة 33 مترجم هروب فريد وسيران وعابدين وسونا 💪😱💙🔥
مسلسل طائر الرفراف الحلقة 33 مترجم هروب فريد وسيران وعابدين وسونا 💪😱💙🔥
بما إننا فاضيين 👀 الإخوة ناسبين المظلومية لسيران فقط .. دي سيران لما فريد قرر مرة انه يحط حدود بينهم وبين بيلين .. سيران في الموقف ده معندهاش أي مشكلة إن بيلين تقعد معاهم.
+عايزة فريد يكلم بيلين كويس وميحرجهاش كمان.
+لما بيوضحلها انه فعلا ميعرفش انها جاية بتتجاهل الكلام تمامًا وكأنه مش في بالها ولا يهمها اصلا.
هنا نسأل نفسنا سؤال إجابته بديهية .. فريد يفهم ايه من اللامبالاة دي؟.
وبعد كده نيجي لمشهد انها بتعيط وتندب انه سابها في المطعم.(انا كنت معاها جدًا في الموقف ده من اول كلامها لفريد وجلجون لحد ما مشيت وسبته).
لكن احنا بعيد وشايفين الأمور ماشية ازاي وماينفعش ندي حكم لمجرد إن البطلة عيطت إن فريد هنا غلطان كليًا وهي الصح ١٠٠٪ كل واحد غلطان بنسبة
فريد بدايًة من عدم اعتراضه لفكرة الزواج امام جده والخوف منه، وإن هو هياخدها لعبة.
سيران غلطها في ردود افعالها المختلفة ع نفس الموقف، مرة تكون راضية ومرة تعترض، وده بيخلي اللي قدامها مايفهماش ويتعامل عادي، وميراعيهاش.
اولا: رضيت بوجود بيلين من البداية .. عشان كان في مصلحتها.
(هيجي حد يقول كانت مجبرة وخايفة وبتاع .. لا يا جماعة ولا كانت مجبرة ولا خايفة ياريت نكون صريحين مع بعض .. هي قالتله الموضوع يناسبني وانت عارف انا كمان مش عايزة الجوازة وسيران حبيبتكم يعني .. كان ممكن تهدده بجده وهي عارفة بيخاف منه قد ايه).
ثانيا: لما راحت توقف فريد في المطار نفتكر كده مع بعض إنه راح المستشفى مع بيلين ونسيها اصلا ومكلمهاش لحد تاني يوم غير امتى بقا .. لما سيران قالتله إن انا جيتلك عشان أهلك وحبيبتك .. وإنها اللي قالتلي اعمل كده وإن عندها حق وإن اللي عملته نفع بدليل إن انت هنا.. هنا فريد يحس بإيه وهي بتقوله رسميًا انا غفلتك وانت مغفل بتيجي بأي حاجة!؟
-يعني هي وجهتله كلام يحمل معنيين
اولا: إن مفيش ناحيتها أي مشاعر نهائي.
ثانيا: إن انت إنسان هايف.
نيجي بقا نفسر فريد لما مشي وسبها
اولا: مش حاطط في باله انها متضايقة وبيقولها بكل بديهية وبساطة تعالي معايا اسقاطا ع كل المواقف اللي فاتت .. يعني دي لسه متكلمة مع بيلين امبارح وقايلة ليها اعملي كذا كذا.
ثانيًا: وجهلها الكلام تاني اللي وجهته لي إنه إنسان أي حاجة بتجره بس بصورة اسوء.
فلما نيجي نقول فريد عمل وعمل ياريت نشوف كل مشهد صح من جميع أركانه، لأن ولا فريد ملاك ولا سيران ملاك .. الحاجات دي يا جماعة بجد بتنفع في الحياة العملية .. إنك تقف في النص وتفكر
"ضع نفسك موضع الملوم،وفكر من وجهة نظرة،ثم احكم عليه".
في حاجه المتعصبين لسيران مش واخدين بالهم منها زيادة عن انها كانت راضية بعلاقة فريد وبيلين واندمجت في تمثيلية الجواز الصوري من البداية.. ان سيران عمرها ما طلبت من فريد انه يقطع علاقته ببيلين اللي داوشين دماغ اللي خلفونا بيها إلا في الآخر خالص.
وطول عمرها كانت بتكتم غيرتها ولا مرة بينت انها غيرانة عليه ولا بينت إعجابها وكل اللي بينته انها قرفانة منه ومن شخصيته ومش عايزاه ولا عايزة تخلف منه ولا فارق معاها عكس فريد اللي من أول يوم بين إعجابه بيها وغيرته ومغازلاته المستمرة وكان واضح انه عايز يعمل عيلة من الأول.
كانت ممكن تطلب منه انه يبعد عن بيلين ويتغير مقابل ان جوازهم يبقي طبيعي لكن الخطوة دي خدتها في الآخر خالص لكن الأول هي سابت موضوع بيلين عشان بس يبعد عنها وميبقاش فيه إلتزامات عليها لكن بالنسباله هو المفروض يقطع علاقته ببيلين ويحبها هي وبس ويخليها تتعلم وتشتغل ويحققلها كل أحلامها ويتنطط قدامها في الرايحة والجاية وهو مشافش أمل 1٪ منها حتي ان ليهم مستقبل مع بعض.
عمرها ما بينت مشاعرها مرة واحدة في حياتها ومن اول المسلسل ولا مره قالتله كلمه حلوه دايما بتكسر نفسه بالكلام وبالتريقه عليه والتقليل منه وتطلع عقدها وعقد اهلها عليه.
حتى مش بتقبل كلمه على اختها ولا عيلتها ولا حتى ابوها ال مطين عيشتها.
دايما لو فريد جاب سيرتهم تدافع عنهم وتهاجمه وتقوله انت لا تساوى ظفر ابى.
وآخرتها ابوها يقول القذر وطارق يقول عديم الشرف
وعمتها تقول الكلب الجربان وهى واقفه مبتنطقش وبتشجعهم كمان على كدا وبتقول معاهم.
مش عايزة تضحي بأي حاجه لازم هو دايما ال يضحى وهو ال يعترف وهو ال يساعد وهو ال يعتذر وهو ال يتوسل وهو ال يفضل يدوس على كرامته لغايه ما بقى ارجوز و ذليل فى نظرها وعديم الكرامه واقع فى حبها على شوشته طول الوقت.
مش شايفة نفسها انها بتغلط وشخصيتها واقفة محلك سر طول المسلسل وعالقة في الماضي ولما فريد وقت ما اتأكد ولو حتى بنسبه 1٪ ان فى امل ف علاقتهم ابتدا يتغير عشانها وعشان يثبتلها حبه ولسه لغاية دلوقتي متمسك بيها بعد كل العك اللي عملته.
ليست هناك تعليقات:
إرسال تعليق