مسلسل طائر الرفراف الحلقة 35 مترجم خالص يوافق على عودة سيرنا وفريد لبعضهم
مسلسل طائر الرفراف الحلقة 35 مترجم خالص يوافق على عودة سيرنا وفريد لبعضهم
أسما كل مره بتثبت ان كلام سونا فى الحلقه 7 واقعى وحقيقى .
لما قالت ان أمها بتفضل سيران وبتفرق بينهم.
ودا شوفناه كتير لما سيران بتتضرب بتدافع عنها بكل قوتها حتى لو مبتقدرش تحميها من كاظم بس عالاقل بتحاول وبتاخد رده فعل لكن لما سونا تتضرب بتاخد زاويه وتبكى.
والكاتب وضح الكلام دا فى مواقف كتير اخرهم لما انفجرت على كاظم واعتدت عليه لاول مره فى حياتها لانه سلم سيران لطارق ورجع البيت من غيرها.
لكن قبلها بيوم كانت سونا فى نفس الوضع حد شاف اسما؟
كلنا شوفناها اخدت جانب وقعدت تعيط كالعاده بدون اى ردة فعل تذكر.
الغريب بقى فى الموضوع ان برغم معرفه سونا بكل دا .
هنلاحظ انها دايما شايله هم أمها وبتخاف عليها اكتر من سيران بكتير وبتفكر فيها قبل ما بتفكر فى مصلحتها وشوفنا دا فى حلقات كتير قديمه وحديثه.
ابرزهم فى الحلقه 8 لما كاظم صمم يجوز سونا لواحد كبير وفريد حط خطه الهروب.
سونا كانت رافضه فى الاول تهرب لسبب واحد وهو ان ابوها هيطلع غضبه فى أمها.
حتى يومها سيران قالت انا عارفه بس مفيش قدامنا حل تانى .
سونا كانت رافضه لاخر لحظه تسيب أمها لغايه ما اسما اقنعتها.
الموقف التانى فى الحلقه 33 لما هربوا من الفرح وراحوا الغابه كان كل تفكيرها هيحصل ايه فى أمها حتى قالت لسيران انا خايفه عليها وخايفه منشوفهاش تانى وسيران حاولت تطمنها وتهديها.
وتانى يوم لما فؤاد واسومان راحولهم اول سؤال من سونا هل أمى ايضا فى القصر؟
ولما عرفت انها بخير اتطمنت وفرحت.
للاسف زى ما الطبيبه النفسيه قالت سونا قصتها مؤلمه ومؤثرة جدااا اكتر من سيران بكتير.
هما فعلا نشؤوا فى بيت واحد لكن سونا اكتر واحده اتظلمت اتربت مع أب عنيف وأم عمرها ما دافعت عنها لو بكلمه حتى.
لغايه ما فقدت الثقه فى نفسها وبقت ضعيفه وجبانه ودا خلاها تتعلق بأى حد يديها شويه اهتمام.
ويوم ما لقت اخيرا حد يحبها بجد ويحميها الظروف بعدتهم بسبب جشع أبوها ال أجبرها تتجوز واحد غير سوى نفسيا وكلهم عارفين انه عبيط علشان بس ابوها أخد من عيلته عربيه وشويه فلوس🙂.
صح جدًا وللأسف في ناس شايفة إنها بتغير من سيران ومش بتفكر فيها نهائي وإن أهم حاجة نفسها وبتخبي عن سيران حاجات.
مع إن سونا قامت بدور كبير جدًا في تصليح علاقتهم وتعتبر قايمة بدور المشاهدين في المسلسل بتكون واقفة من بعيد في كل موقف وبتبين تصرفات فريد لسيران والعكس .. وكتير هي اللي صبرتهم ع بعض عكس عابدين مثلا عمره ما اتكلم ع سيران ودافع عنها قدام فريد زي ما سونا بتعمل مع فريد.
وللأسف الأقاويل بتقول إنها ممكن تتغير وتبقى شخصية لا تحتمل ف الجزء التاني مع إن مش عارفة هتجيب طاقة منين لكده بس لو فعلا حصل هيبقى ظلم كبير لشخصية سونا وهتبقى اتظلمت في كل فترات حياتها واتحولت للاسوء ع الرغم من انها دايمًا صابرة ومش بتفكر في سعادتها نهائي وأهم حاجة اللي حواليها .
عكس سيران مثلا هل شوفناها فضلت مع فريد بالغصب وفكرت ف اختها وامها مع انها عارفة انها لو طلبت الطلاق ممكن يرجعوا عنتاب ودي حاجة هما مش عايزينها نهائي أو إن ابوها هيشيط وهتبقى أيام نكد عليهم كلهم بل العكس قالت انا هعمل اللي عايزاه واللي يحصل يحصل.
ليست هناك تعليقات:
إرسال تعليق