مسلسل طائر الرفراف الحلقة 42 بيلين تتحدي سيران وتطلب طلاق سيران وفريد من أجل ابنها من فريد
مسلسل طائر الرفراف الحلقة 42 بيلين تتحدي سيران وتطلب طلاق سيران وفريد من أجل ابنها من فريد
في مقولة بتقول النــار والمياه عمرهم ما بيترابطوا لكن لا ينفعوا للحياة
علاقة فريد وسيران علاقة مليانه تعقيدات ومطبات كتير ولسه
الحلقة اوضحت ان لغة الحوار بينهم شبه منعدمه نهائياً
فريد لسه بيكتشف عالم سيران زي ما الفانز بيكتشفها معاه
فريد وسيران معظم لبسهم زي بعض وده ملفتش نظر حد بس ده المقصود بيه إن طريقتهم وشخصيتهم واحده بس افعالهم متناقضة
الاثنين كانوا اشد العناد على إن كل طرف يتنازل عن االي عايزه ويراضيه
محدش فيهم كان بيتعامل بالمنطقية والحكمة لأنها اتلغت من تفكيرهم
العناد / العناد = تمرد .
انا في كلام كتير عايزة اقوله في الحلقة بس مش عارفة اوصفها الحلقة مليانه شرارة عالية وقلة ادارك بينهم وعدم واجباتهم كازواج لبعض
سيران كان اسهل حاجة تقدر تكلم مع فريد بهدوء وتفهمه السبب بدون تعصب او تقليل من إنه جاهل في الفهم كده الموضوع اصبح عنادي من طرفه وخسرت النقاش لأن الراجل بيكره المبدأ ده بيحب يتعامل بمبدأ الهدوء بدون ما نعلى على بعض مين بيفهم اكثر زي ما سونا اتكلمت وحسسته باهمية الوضع.
فريد كان ابسط حاجة لما يشوف دموعها واصرارها يكلم ويقول رايه بعيد عن جزيئه الطفل لأن ده مش السبب الرئيسي السبب الرئيسي مخاوفه ليها من الحياة إنها تسيبه لأنه بيحب وبيطمئن تبقى قدام عينه دايما
بس مصير الطائر بيحتاج فتح القفص يا تسيبه يتنفس ويبقى جمبك بارادته يا مصيره يكسر القفص ويطالب بالهروب عمر القفلة على الروح بتفضل جمبنا مبدأ غلط لأن فريد بيخاف من الهجر .
سيران بتحاول تستعجل ع حلمها خوفًا من ايقاف الوقت لأنها كبرت على إن الحاجة مبتحصلش فبقى اقصى حاجة عندها التسرع أول خطوة التنفيذ وقتها تتعامل عادي زي ما كايا اختار وقالها سجلى وبعدين استني براحتك فلقتها فرصة تمسك بيها حلمها.
فريد عاطفي واتاثر بقصة سيران وشايف ان ده يعتبر تعويض على طفولتها إنه يحققلها حلمها بس بطريقة غلط كان اولي يقولها تعالي عاملك مفاجئة ويروحوا سوا
لغة الحوار عندهم بقولكم مفيش
سوء الفهم دايما حاضر في كل اوقاتهم.
كايا شخصية قارئ افكار وذكي وقدر يكشف نقاط ضعف الجميع واللي بيعمله خطير ولعبته اخطر وقدر يكسر سور الحاجز في سيران ونقطة ضعفها عايزة حد يفهم تفكيرها وده ملقتهوش في فريد فاستغل ده لأن سيران تعتبر ضربة جزاء لفريد انه يلاعب فريد عن طريق سيران بس في نفس الوقت هيحققلها اللي عايزاه بس حكاية يقع في حبها مش هحكم من اعلان ومن حلقتين لان كايا شخصية عميقة بيوصلنا اللي عايز يوصله لكن الداخل مغلق عليه ومانع حد يفهمه شخص عقلاني مش عاطفي زي فريد كايا حاكم افعاله فريد فاضح افعاله.
اورهان وجولجون محدش سال نفسه ليه مش مهتمين بصحة ابنهم؟ ليه مبيكلموش معاه يقعدوا معاه؟؟ حياة الاب والام في كارثة عايشين ازمة منتصف العمر بيخسروا ابنهم يوم ورا يوم للاسف
طالح مش مجرد دكتورة طالح هتعقد حياة فريد وسيران لان فريد بيديها مساحة اكبر وبينفخ فيها بشكل هتسبب بسيول بينهم هي مجرد دكتورة كلامك في حدود علاجك مش حياتك الشخصية ولا تقليل من مراتك حتى لو مسببه ليك توتر محدش ليه انه يفهم علاقتكم وده غلط من فريد انه عفوي وكلامه الكتير بيوقعه ف مشاكل ف الناس.
زي ما سيران خرجت من كهف ابوها فاكرة كل البشر ملاك فبتقع مع الناس ولسه بتكتشف نواياهم ان في منهم عالم خبيث محدش بيتعلم من مرة ولا عشرة ده بنفضل نتعلم ونخطئ دي حياة البني ادم
فريد وسيران محتاجين بعض لأن بيدخلوا اطراف تالتة بينهم تسمعلهم بتدمر حياتهم
كل واحد بيحكي اللي جواه لطرف غير شريك حياته وده غلط غلط غلط.
فتكات اصطادت كايا فريسة بس كايا عجبته اللعبة وهي وقعت فريسة لكايا زي ما سيران وسونا بقوا فريسته بيلعب لعبته معاها عن طريق تعرض افكارها ولانها ماشيه لصالحه فصعب يفضح نواياه.
اخيرا عابدين وسونا قصتهم سلبية ولا تصلح بينهم حياة وعابدين اختار البعد لانه اتاثر وعرف ان سونا بدور على اهتمام وهو مش عارف يهتم فهي هتروح لكايا لان سيران وسونا عندهم نقص احتوائي واهتمامي من اهاليهم فبيدورا عليه برا وزي ما سونا قالت بيحصلها نسيان لاي حاجة عايزاها عقلها برمج إن كل حاجة بتروح منها فبقت مستسلمة لكل حاجة.
الفرق ان سيران مبتنساش وبتسعي حتي لو بتصرف غلط
وسونا بتنسي ومبتسعاش لاحلامها عشان عارفة ان الحياة مش عادلة معاها
كايا بيشوف نفسه في حياة سيران وسونا مش بيكرهم بس هما الوحيدين اللي بيعاملوه كانسان عكس الباقي فبيتعامل لاهدافه عن طريق صديق ليهم بس تنفيذ لرغباته شخصية عميقة ينخاف منها للاسف.
ليست هناك تعليقات:
إرسال تعليق