مسلسل طائر الرفراف الحلقة 48 سيران تنتقل للسكن الجامعي شهموز يساومها علي الطلاق

 مسلسل طائر الرفراف الحلقة 48 سيران تنتقل للسكن الجامعي شهموز يساومها علي الطلاق

مسلسل طائر الرفراف الحلقة 48 سيران تنتقل للسكن الجامعي شهموز يساومها علي الطلاق

مسلسل طائر الرفراف الحلقة 48 سيران تنتقل للسكن الجامعي شهموز يساومها علي الطلاق

تعالوا نعتبر ده مثلث وعلي رأسه فريد هنتكلم عن كل ضلع فيه وموقفه ايه ..

🔺فريد .. 

هو طول الحلقات محطوط في ضغط من اللي حواليه انه لازم يختار بس دايما كان بيختار الاتنين بس في الموقف ده مفيش مفر هو مضطر يختار حاجه واحده بس .. وطبعا الحاجه دي من غير تفكير هتبقى سيران وده وضحه فريد طول الحلقه .. قال لعابدين في العربيه مفيش حاجه في الدنيا اهم من سيران وده لوحده كافي يوضحلنا هو همه مين 🤷🏻‍♀️ بس مش فريد اللي محطوط في الاختيار الاكبر حاليا هو كده كده هيختار سيران بس قراره مش هيفرق ف حاجه القرار حاليا في ايد سيران بس .. ف بالتالي هو هيستنى قرارها 🤷🏻‍♀️ ولو نلاحظ فريد طول الحلقه اللون الاحمر مافارقهوش .

🔺سيران ..

 هي صاحبة القرار حاليا ..

هي تحت تأثير الصدمه بتفتكر اصعب لحظه عدو بيها لان دي اخر مره اتوجعت فيها افتكرت كمان لحظات حلوه بينهم مأثره فيها بتحاول تجمع كل اللحظات في دماغها وتربط كلام كتير ببعضه 

🌹سيران وراها ورود حمرا ..

الورود الحمرا بترمز للتعبير عن الحب أو العشق

 تبعث السكينة والهدوء والطمأنينه في القلوب والنفس

وتبث الأمل، كما أنّها ترتبط ارتباطاً وثيقاً بالحب إذ تعبر بشكل عام عنه حيث تحاكي الروح والعقل والوجدان معاً بالإضافة إلى ارتباطها الوثيق بالمرأة فهما مجتمعتان في العديد من الصفات  كالرومانسية والشفافية ..

رسالة الوردة الحمراء هي (أحبك من كل قلبي) إذ إنّها رمز للمحبين .

.. وناخد بالنا كمان سيران اللون الازرق وراها طول الحلقه..

💡 بس خلونا نفتكر المشهدين دول كويس مشهدها مع اسما اللي اكدت فيه انها ختبقى هاديه ومتزنه اكتر في قراراتها وتفكيرها وهتثق في فريد رغم اي شيئ..

.. ومشهدها مع فريد وهي عاوزه تنسى كل حاجه وواخده بالها ان كلهم بيحاولوا يفرقوهم ومش هتسمح بده .. 

..احنا حاليا قدام احتمالين وقولناهم قبل كده ..

▪️اول واحد انها تنسحب وتمشي وتسيبلهم الدنيا دي كلها وده هيبقى هروب مؤقت م الواقع لحد ماتستجمع نفسها وتفكر وتعرف هي عاوزه ايه 

▪️الاحتمال التاني هتفضل موجوده بس هتواجه فريد مواجهه كبيره وكلام تقيل كل اللي حواليها هيمنعوها تمشي بس لما تعرف انهم كانوا ع علم بده هتفقد الثقه فيهم كلهم هتقوي نفسها بنفسها هتاخد حقها من كل واحد ..

🔺بيلين ..

 حاليا هي الطرف الاضعف اكتر واحده خايفه فيهم لانها عارفه فريد هيختار مين هي واقفه بطولها لوحدها جريت علشان تنقذ فريد من ايد خالها ماقدمهاش اصلا حلول هي كده كده شهموز هياخدها لان ده هدفه هو ولا عاوز كورهان ولا كنيتهم اصلا هي شبه متجوزه جواز ديني مش هتقدر تتجوز فريد كده كده 

🕯️ولو لاحظنا هي جمبها شموع ..

الشموع.. فهي تظهر هادئة ساكنة لكن

قلبها يشتعل اشتعالًا بنار ملتهبة تحرق جسمها البارد الصلب فتذيبه إذابة وتسكبه من فوهتها دموعا تنحدر

 الشمعة تحترق وتذوب لكي تعطي نورًا للآخرين ..

قدامنا احتمالين ..

▪️اول واحد علشان تنقذ فريد من خالها هتنسى الخطه وكل حاجه وهتنهار قدام خالها وتقوله فريد مالوش دعوه وانا اللي عملت كل ده ومش بعيد تعترف بكل خطتها ..

▪️تاني واحد هتعمل غلبانه وتقوله انا همشي معاك بس سيب فريد وتفضل ساكته ع خطتها بردوا..

💡نفتكر مع بعض ان فريد قال بيلين هتخرج من حياتنا للابد ..

◼️قدامنا مواجهتين ممكن يحصلوا.

.. مواجهه بين سيران وبيلين بس والاتنين يقولوا كلام تقيل لبعض..

..مواجهه بين فريد وسيران ودي اللي نفسي تحصل يمكن تفوق فريد وتنبهه للحقيقه..

✔️ عندنا كذه سؤال مهمين لازم نجاوب عليهم كل حد بينه وبين نفسه ..

▪️هل فريد ممكن يسمح لسيران تمشي فتره كبيره وهي مقهوره وتبعد عنه وهو مابيعرفش يتنفس من غيرها ؟

▪️هل بيلين عندها حل تاني غير انها تمشي مع شهموز ؟

▪️هل بيلين ف ايديها حاجه تعملها تاني وهي شايفه ان فريد عمره ماهيرجعلها حتي بوجود الطفل اللي هو املها الوحيد اصلا ؟.

▪️هل فريد بعد ما رفض بيلين وهو شايف انها حامل في ابنه اللي هي حاجه المفروض كبيره ممكن يتقبلها بأي خطه تانيه ؟

▪️هل تفتكرو ان الشر بيدوم وهيفضل ينتصر ؟

▪️هل تفتكرو ان في ابطال تانيين غير فريد وسيران؟

◼️الرد ع الاسأله دي هيريح بالكوا كلنا عارفين الاجابات بس ليه نبقى مستعجلين ع الاحداث كل حاجه هتيجي ف وقتها مهما بعدو واتخانقوا واتفرقوا اخرهم مع بعض ليه بعض الناس متجاهله ده .

 لازم يتخلصوا من ماضيهم علشان يبدأو علي نضافه علشان يعرفوا يجيبو طفل سوي نفسيا لازم هما نفسهم يبقو اسويا وناضجين لو الماضي ماكانش خلص كانو هيفضلوا بيه طول حياتهم طبيعي يتخلصوا منه مهما كانو بيحبوا بعض ففي حاجه ناقصه مابينهم وهي الثقه ولسه لحد الان مالاقوهاش ميه ف الميه كل الاحداث منطقيه وهتوصلهم للثقه فيما بعد لان الاتنين هيتعلموا م الخساره ومن اخطائهم ومش هيكرروها..

.. لازم نصبر معاهم ومع تقلباتهم ومرضهم النفسي النهايه هتبقى ف صالحهم وصالحنا ده الانصاف والعدل لان الحكايه حكايتهم هما مش حد تاني👌🏻♥️.

بقلم : Rana Ahmed