مسلسل طائر الرفراف الحلقة 44 اعلان 2 مترجم للعربية
| مسلسل طائر الرفراف الحلقة 44 اعلان 2 مترجم للعربية |
مسلسل طائر الرفراف الحلقة 44 اعلان 2 مترجم للعربية
مساء الخير 🤍
هتتهموني بالجنون بس حرفيًا انا الحلقة 43 بالنسبالي أكثر حلقة من بداية المسلسل مريحة للأعصاب كيفتني بجد
جماعة ممكن أطلب طلب
ممكن متتفرجوش على المسلسل بعواطف؟ صدقوني المسلسل ده عايز كوباية شاي وعقلك عشان تعرف تفهم الحلقة بتكلم عن إيه وسيبكم من التسريبات مبتاكلش عيش
💥الماضي كركبة الحاضر..
عشان كده أحنا في حلقات نتيجة افعال الماضي بيحصل صراعات واضطرابات وصدمات وضغط أعصاب بس ده لصالح الشخصيات إنهم يوصلوا لانفـ ـجار ثم العلاج .
على فكرة ماضي فريد صعب ومرهق بس هو تحت حروب نفسيه اتحط فيها من اهله ومؤامرات فتكات خلقوا منه شخصيه مضطربة وقصة لطيف عارف بخطط سلطان في سر كبير هيطلع يخص فريد 🏃
مبدائيًا كده عشان محدش يقول بدافعي عن مين ومين أنا بكلم في الشخصيات وتغيراتها من ايجابية لسلبية
شخصية فريد عنده اضطرابات مش متعود على التراكمات وحل أزمات كان دايما بيستنج بجده أو عابدين أو سيران
طب هو دلوقتي على اليمين نـ ـار وعلى الشمال نار يخرج منها أزاي؟؟
تاني نقطة فريد مشتاقش لأيام زمان فريد بيجبر نفسه يشتاق لأيام زمان في فرق اللي هي
الهروب دايما كان بيدور على حل يهدي بيه صوت مخاوفه وعقله.
fاقدر اقول أن فريد الفترة دي بينضج نضج حقيقي كنت مستنياه عكس الجميع افتكر أن فريد نضج لا الظروف دي هي اللي بتنضج مش الجري ورا الحب اللي بينضج
لما سيران قالتله ( أنت هادي كده ليه كنت فاكراك هتهد المكان) دمع ومسح دمعته
كنت متوقعين منه زي كل مرة ( عصبية وتجعير وتكسير ويقولها أنا كده ويجرحها) الغريب إنه سكت ودمع وقالها بكل هدوء هتشوفي لما أهد المكان .
تشاهدون الاعلان هنا :
مشهد فريد غير لبسه من قميص ابيض لقميص اسود بمعني غير شخصيته الواضحه لشخصيته الغامضة كما كان في السابق ( معلش انا بحب التفاصيل دي) 😂
الخلاصة يا جماعة فريد أها اصدم بخبر الطفل بس انا عند رايي هو ابتدا يرتب عقله واتقبل الفكرة قدامها عشان متدخلش عليهم وتقول وسيطر ع الوضع عشان يعرف يرتب تفكيره
سؤال شوفتوا مشهد كاظم قاله هاخذ سيران شوفتوا رد فعل فريد الجنوني؟هل هو نفس رد فعل فريد لما بيلين قالتله انفصل عن سيران! 😅 .
شاهد الاعلان هنا :
سيران حمدلله على سلامتها انهارت جابت اخر طاقة وعرفت إن مكانها مش هنا ولا عند عائلتها سيران ابتدا مشوارها يجهز وعلى فكرة شكلها حامل ومش هتقول لحد منعًا من حرمانها من الدارسه وسعادتها
ابوها عرفها مستقبلها ايه
ولو فريد سمع لكاظم وقعدها من الجامعه
كده الكل بيضغط عليها
تختار لأول مرة ( الهروب)
كانت البداية الهروب مع يوسف وفشل
الهروب مع فريد وفشل
دلوقتي الهروب مع طفلها ومش هيفشل .
سؤال كاظم سعادة تعرفي السعادة منين؟؟ ) السؤال ده قدر يوضح قد إيه سيران بتخاف من السعادة بدور على أي سبيل وتمسك فيه عشان كده نقدر نعذرها إنها محرومة من سعادتها والجامعة كانت أكبر سبب تتمسك بيها وعشان سعادتها دي هتضحي بأهلها وبيتها وتختارها لأن هي الوحيده اللي بتلاقي نفسها فيها ملقتش نفسها في دور الأبنة ولا الزوجة بس هتلاقي في دور الطالبة والأمومة
فريد مش فرحان بطفل بيلين وزي ما توقعت حاسس انها بتكذب وبيلعب لعبتها لان كل تخيلاته واحلامه طفل من سيران عقله الباطن اثبت ده
هو حاليا حواليه حرب نفسيه محتاج يفكر صح وحاليا هو هادي ولأول مرة يستعمل عقله صح ودي بداية النضج .
سيران في حرب نفسيه وضغوطات من الجميع بس اللي لفت انتباهي ان مشهد معرفتها رقم سر فون فريد مش من فراغ واعتقد اخر ورقة هتحصل هتفتح فونه
والسونار مش من فراغ
يعني الكاتب مبيعملش مشاهد فارغة المشاهد وراها معاني هتحصل
عابدين مشكوك فيه من زمان الكل ابتدا يشك فيه من حلقة امبارح
بس هو مرتحتش ليه وقت وجود بيلين في اول ليلة جواز سيران .
فسق فريد وتشجيعه على الغلط
معرفة وجود طارق لمكانهم
لما اتنازل بسهولة عن سونا وسلمها لطارق
لما قال قصة وهميه مليش اهل ودايما غامض
لما هرب فريد في اخر الموسم
عرف رقم السر لفريد ازاي
كان فون فريد معاه طول السهرة ليه
الموسم بدا وكان دايما صامت ومبيتعاملش ولا بيكلم كتير مع فريد فاجئة مهتم مصدق الطفل ولا لا
الاهم دايما كان بيعمل ضبط اعصاب ويسيطر على ملامحه ده دخول نوكيت وكايا ابتدا يتوتر ويظهر ملامح الحقد على وجهه لفريد وتصرفاته غريبه مش غريبه يا اخواتي 🏃 .
توقعاتي بقى😂
-عابدين اخو كايا ومتفق مع بيلين
_فريد عارف كذبة بيلين وبيلعب لعبتها
-فتكات ليها علاقة بسر كبير يخص سلطان وفريد
-نهاية بيلين يا هتنتــحر يا هاليس هيجيب رقبتها
بصوا انا مبحبش التسريبات فبحب اتعامل بتوقعات اللي بشوفها في الحلقة ف يارب تطلع صح 🤡
فتكات بتزود العيار وبتعك
بيلين دخلت جهــنم عيلة كورهان الغلطة بنهاية
اول كارتين هيقعوا في شر اعمالهم وهيكتبوا نهايتهم بنفسهم وقربت عشان كده كل ما تشوف حد متقل لعبته وشره اعرف انها قربت
ليست هناك تعليقات:
إرسال تعليق