مسلسل طائر الرفراف الحلقة 48 إعلان 2 مترجم للعربية
| مسلسل طائر الحلقلة 48 اعلان 2 مترجم للعربية |
مسلسل طائر الرفراف الحلقة 48 اعلان 2 مترجم للعربية
الحلقة كانت جميلة ومتكامله بشكل كويس ♥
وفرحت ان نظرتى مع معظم الأحداث والأشخاص كانت صح
**فريد الحلقة دى بين نتيجة الضغوط اللى عليه بشكل كبير
الضغوط بادئه من سلطان الى اخر الحلقه 🤏🏻
كاز بيلف ويدور ومش قادر من كل ناحية
وكذلك فيه ضغوط إضافية عليه
زي شكل سيران وتاثرها من اللى بيحصل ده كسره اكتر من حالتها
وزود قلقه عليها من اللى جاي حتى كان مستصعب ذكر اسمها وانه يقول الموضوع 🤞🏻.
وبان نقطة حلوه اوي منه هو لما كان مع ايفاكات
لغة جسده بتبين ضغط رهيب جدا انحنى منه ومبقاش قادر
وقال اهم حاجه «عقلى مشوش» ودا اللى قولته
فريد فى وضع ماساوى من التشتت حتى المخرجه بينته فى القفله بشكل وااضح 🤞🏻
طريقة رده وكلامه بقى بيطلع بثقل بشكل كبير حتى كان بيقول
تعالو ببطئ«قصدو المشاكل»
وضع زي ده عمر ما هيخليه يفكر صح او يسمع حد هو اخره انه يتقبل.
ويحاول ما يخسرش بس سيران وده اهم حاجه فى حياته دلوقتى
**مشهده مع سيران كان جميل اوى ومعبر جدًا
حته الخمر لا يقارن بسكرك هى مش مجرد كلمه ولا غزل مثلًا لا ده حرفيًا اللى بيحصله
فريد شخصية عيشنا معاها 45 فى كل مره كان بيتعرض لضغط او صدمه معينه
كان بيتجه فورًا للصخب والشرب
كان قال كلمه معبره عن الاصوات العالية «هذه الاصوات لا تقارن باللى فى رأسي».
هروبه كل مره كان فى الحاجتين دول هما الوسيله الوحيدة «هنا بيشبه امه فى عنايتها بالبشرة والشكل»
-لما جده هانه قدام سيران حلقه 4
-لما اتخانق مع سيران فى حوار يوسف
-لما اكتشف خيانه ابوه
-وموضوع سلطان
وكان بينجح بشكل ما لانه مش شخصية «ملكة دراما زي سيران» على كلامه 🤞🏻.
هو دايما بيحب الهروب والنسيان زي ما نصح سونا قبل كدا، مش بيحب يقف ويركز بس مش بينسي 🤏🏻
علشان كدا بيربط الاحداث بسرعه كبيرة.
شاهد الاعلان هنا :
كل ده بينجح فيه الا مع شخص واحد «سيران»
سيران الشخص الوحيد اللى تاثيرها بيفضل ماثر عليه فى كل اوقاته
وهو صاحى او شارب او حتى نايم
- اول ما بدا حوار الطلاق ومشت حاول يقنع نفسه ان خلاص انتهى لكن بمكالمه واحده املى بقى 100%
- بعدها لما وقع الورق خرج وسهر وشرب كتير بس كان ذهنه معاها لاخر لحظه وهو بيفتكر ويتكلم عنها
-لما حصل الطلاق وقعد يشرب ل دخول الليل بس كان ذهنه مشغول وقلقان على تعبها.
ولماقالوله انسي قال «انا لا انسي سيران لماذا الا تفهمون»
حتى لما فاق من البنج كان اول حد نداه كان هى
تاثرها عليه مش لحظى لا ده مستمر
وقت تذكره وهو بيشرب كان دايما راسه وعينه على اوضتهم هو خايف حتى يبعد نظره او يحس ان دى زكرى.
**فريد بيحب سيران اكتر من اي حاجه فى حياته ومش بعيد اكتر من نفسه
فكره انها تسيبه مش موجوده فى قاموسه هى فكرة هاجس بيهرب منه وبيهرب منه فيها هى
هى ادت الطفل اللى جواه الونيس علشان هو دايما وحيد مع الاهتمام
وادت الراجل الحب والقوه والمسانده.
هى كملت كل نقص فيه لدرجه انه بقى كل حته من دى مرتبطه بيها ما يستخدمهاش غير لما تكون جنبه
يعنى حله للمشاكل بيبقى ليه علاقه بوجودها معاه
هو كان قلقان وفاهم كايا و مش مطمن لنوكيت لان كانوا قريبين منها
باختصار هو من غيرها ولا هيبقى فريد الجديد ولا القديم لانها افقدته النسخه التانبه دى من زمان
فى المشهد كان بيقول هحبك دائما ولن اتركك اطلاقا وقلبه بيكمل لا تتركينى لا تتركينى ابدا
وهو هيحاول ومش هيسمح بده
_نضج او تحمل الشخص مسؤولية اخطاءه ما كنش موجود فيه بس بان جزء منه فى حوار الطفل
لانه قال هذا قدر هل اتجاهله وهى دى اهم نقطه
فريد بيتحمل اخطاءه بشكل او باخر.
بس عايزه اقول ان انهيار فريد قرب وهيبقى اصعب من اي مره لانه مش معتاد على ده للدرجه دى 🤞🏻
واختصار فريد كان متمثل فى كلام اغنية «مارت» اللى بتوصفهم من نظره
اللى اهم حاجه فيه «هذا الطريق الطويل لتكن نهايته عندك» 💗.
**سيران الحلقه دى بينت تطور شخصيتها بعد كل اللى حصلهم وتطور مشاعرها
ضعفها واحتياجها اللى كان واضح لاول مره وعدم مكبارتها فى طلب ده
فى اول مشهد كانت ضعيفه اوى اوى وده ينبه ان سيران من غيره حالتها هتبقى وحشه زيها زيه
لانهم تعبوا علشان يوصلوا للمرحله دى واي وقعه بالنسبه لهم هتبقى مؤذ/يه جدا والبغد هيبقى شيئ مش محتمل ابدا
نظراتها للصور اللى كانت بتستنكرها وزكرياتها اللى هى كانت تحقيق لاحلامها.
_حلم الطفوله بتاع الكريسماس
_لحظتها السعيدة اللى محتفظه بصورها
_ اول خطوه اخدها وحسيتها انه ببحبها وانه يتحدى كله علشانها
لما قالتله حبنى دائما لا تتركنى
هى عايزه تثبت احساسها وانه بيحبها وانه ليها لوحدها
ومع ده عايزها يعمل كده بكل قوته
لان سيران قالته طول ما انت ماسك ايدى ايدى مش هتسيبك
وفريد مافلتش ايديها ولا مره
حتى عند الموت 🤞🏻
**سيران اول مره تصدقه وتجازف وده كان فى حوار الصور دلوقتى هى هتعرف مين وارها بشكل ما.
رغم ان تاخير فريد غلط منه هيدفع تمنه من سيران ورد فعلها بس كان فيه خير
اوله ان سيران عرفت ان بيلين راجعه بنفس المكر والخداع والكدب
والتانى ان النقطه دى لازم تتعالج وفريد يفهم عاقبة ده ومحدش قدر يفهمه غلطه فى حياته قد سيرو 🙈🤞🏻
القفله كانت عباره عن عين سيران المصدومه وتشوش فريد المأسوى وهو ده.
اللى هيبقى محور الاحداث
هى اللى هتشوف الحقيقه وتكشفها
♕فيه نقط مهمه من ناحية بيلين
&بيريل ظهر انها مش كويسه زي المتوقع بس هل ده فى صالح مين؟
&شخصية شهموز صحيح موتره وعصبيه بس واضحه وخطها واحد لان واضح من بيته وحياته ان اهم حاجه مظهره وسمعته.
وطلباته مقنعه ومش فى صف حد وده طبعا مش مبشر لبيلو 🤞🏻
هو عايز ينهى الوضع ده بس بالطريقه الصح او الناهيه
واهم حاجه طريقه كلامه بتفضح اللى جاي لانه بيفكر صح يعنى لاحظ غضب فريد الشديد فشك انها بتوصله صوره غلط.
وطريقه زيرين المستهتره وهنا يزود الشك «ده غير رد فعلها مش مدى اي حاجه تدل ان فيه اهتمام لفكره الطفل»
كل ده مهم للى جاي
يعنى من طريقه دى تخيلوا مثلا قعد مع سيران وعرف بيلين كانت بداية معرفتها بيها ايه 🤏🏻🌘.
♕رد فعل خالص الصحيح دلوقتى هو بيفيدوه من ناحية وبيفيدنا من ناحيه
لو سيران عرفت هينتهى كل حاجه وفريد يكمل مع ابنه وكاظم يطلع من حياته
وكداوالخطر يقا من على فريد.
لكن لو حصل العكس فهياخد واحده من صدماته اللى هتفوقه كالعاده وان هى سيران حاولت زي فريد
وطلعت عكس خديجه لا فريد عكسه هو فى الاصل
وهيضطر يتدخل فى الوضع ده علشان يحمى حفيده.
والمره دى مش هيسمح انه يفشل زي ما فشل مع احسانلى
♕موقف جولجون مبشر وكويس لحد الان وواضح هيكمل
**علاقه سونا وسيران
اللى حصل بينهم وتوترهم ده لاول مره هيبقى فى صالحهم بجد.
سيران احتياجها دلوقتى ابعد من سونا سونا لو موجوده هتقولها صدقى فريد امنى وما تقلقيش كله هيمر وده ابعد ما تحتاجه سيران دلوقتى محتاجه نفسها بس محتاجه كل تركيزها وتفكيرها مع مواضبع بيلين
الكاتبه عايزه سيران بتجابه فى مكان واحد عكس فريد اللى الجميع داخل عليه بكل قوة 🤞🏻.
وسونا كذلك ابعد ما تكون محتاجه لسيران سونا كانت رايحه لسيران وعايزاها توقفها ايوه توقفها
كلامها ليها
الا تخجلين لم تضحكى فى وجه الناس، الناس اعطونى قيمه.
هل ده كان موجه لسيران؟
الاجابه فى نظرى لا ده كان موجه لسونا اللى ما ابتسمتش ولا فرحت بكلام خالص ولا دبلتها. ولا حتى الخاتم
سونا كانت عايزه سيران توقفها وتعاتبها على فكره بس تكون مصدر الاهتمام.
وده اللى مابقاش ينفعها ابدًا سونا لازم تجابه وتعيش وتقوى بنفسها وبس
هى اتصدمت وحصل اللى كانت خايفه منه بس اقرب من ماوكانت متخيله
وبطريقة كسرت قلبها تانى بس المره دى مش هتسمح انها تتهزم.
هى هتبقى بطله معركتها الوحيدة والوسيله معروفه «كايا»
ونظرتى ظهرت لما جات جمله «قدرها هكذا»
وده اللى هيتغير قريب وسونا اللى هتغيره فى حياتها باديها
«سنقول انه قدر سنقول انه نصيب» هتتبدل لااحسن
علاقه سونا وعابدين لسه ما اتهتش على فكره.
**هى قاعده جنب نفس المكان وبحسره لخاتم مليان الماس بس مش بنفس جمال التانى
**وهو قاعد بخيط بسيط بس كان اغلى حلن عنده
لما راح وفضل يبص ليها ويج/لد نفسه بده علشان يقول شوف نتيجه افعالك
وهى وهى عماله تعيط وتفتكر.
مشهد المطعم مع كايا كان موازى ليها مع عابدين وقت الايس كريم
كانت اليوم ده العكس تماما كامت عايزه الوقت يطول وما تفكرش فى اي حد اولهم ابوها
وكلامها كان كله مبشر غير اللى قالته مع كايا.
واللى عكس الخسارة اللى جواها وهى بتقول
ليتهم لم يستطعوا لمسنا
لو استطيع حفظ هذه اللحظه
لو نبتعد عن الجميع
كلامها كان على اللى حصل قبل كدا مع عابدين🤞🏻
عابدين صمته مش هيستمر فى نظرى والخطوه الجايه هى اللى هتحكم
كان مشهد متكامل للاربعه بيوصف حالتهم.
*اتنين بيفتكروا احسن ذكرايتهم وايامهم ويهربوا فيها من اكاذيب وحقايق بتقهرهم
*والتانين بيرثوا حاجه مش بتموت ابدًا ولو خلصلوا بكاهم عليها مش بتنتهى بتد/مرهم بس
اجمل جمل اتقالت
«الحب مسأله مصيرية وليست حسابيه»
«الحب بالتفانى وليس بالبحث» 💗
«الله لا يجعلنا نحلم بشيئ غير مقدر لنا» هو ده اختصار لمصيرهم.
ربنا مش بيدى امل لحد من فراغ بس الامل ده عباره عن اختبار
يا ننجح فيه يا نفشل اهم حاجه
انهم يأمنوا بالحلم ويحا.ربوا ويحاولوا لاخر نفس وبكل الطرق علشانه
وده اللى كل شخص يستحقه فيهم 🌿🤞🏻
ليست هناك تعليقات:
إرسال تعليق