الحلقة 30 من مسلسل طائر الرفراف 🔥 فريد يصدم خالص آغا بكلامه له 😲 وسيران تخذل فريد أمام طارق
الحلقة 30 من مسلسل طائر الرفراف 🔥 فريد يصدم خالص آغا بكلامه له 😲 وسيران تخذل فريد أمام طارق
أقول كام حاجه كدا او اعمل بريف عن المسلسل.. حابا ابتدي من مشهد وداد فرع تركيا ده عشان بيضحكني شوية في ناس مش عاجبها رد فعل فريد هنا هي حاجه تضحك بصراحه لما واحد مراته تعزمه علي فرحها او لما تقوله انت مش راجل ولا عمرك هتصلح تكون زوج أو أب وأبويا ضفره برقبتك ووو.
حقيقي معجب بقدرة سيران الغريبة علي قلب الترابيزه لصالحها وال manipulating والتلاعب بأعصاب فريد للدرجة دي ودفعه للجنون في المشهد ده وده بيظهر علي ملامحها جدا ومتوقعة رد فعله يكون بالشكل ده زي مشهد رفع الايد بالظبط.
الإنحياز الأعمي بيعيش الناس في وهم أحيانا ويخليهم يطلعوا تبريرات غريبة للشخصيات مش في المسلسل ده بس في اي عمل من الأعمال المؤثرة او اللي بتعكس الواقع النفسي للشخصيات.
كل واحد بيتكلم من دافع نفسه هو لو مكان الشخصية كان هيعمل ايه لكن بيتجاهل قرارات الشخصية نفسها واللي المفروض تكون ملتزمة بيها وتتحمل مسؤوليتها زي قرار الطلاق مثلا اللي الناس بتبرره بسبب بداية الحريقة إن فريد كان هيمد إيده عليها.. وآخر حاجه طريقة هاليس في في أخذها من بيت ابوها والكلام ده.
عايزك تتخيل معايا كدا واحدة متجوزة أبوها بيخطبها وهي علي زمة راجل وبيبيع فيها زي السلعة وهي مأبدتش اي إعتراض !!!!
مستسلمة للأمر الواقع وكأن كلمة ابوها سيف علي رقبتها وكأن مفيش رب ومفيش زوج يحميها وكل اللي همها من الموضوع ان فريد ميشمتش فيها عشان طلع معاه حق.
عشان اللي ماسكين في ان فريد موقفش لهاليس في موضوع الطلاق طب سيران عملت ايه لكاظم وفين موقفها ؟!!
طب اللي شايف إن سيران اتهانت من هاليس ايه موقفهم من إهانة فريد لما خد قلم قدامها ومعملتش اي حاجه ولما شافته دافعت عن كاظم وقابلته لسبب سخيف من الأساس.
طب عملت ايه لما عرفت انه اتهجم علي طارق وعيلة صفوت وخاطر بحياته ؟؟!.
ولا اي حاجه برضو ولا اي مشاعر وعندها كمية قسوة وغرابة في ردود الأفعال كأنها شخصية مختلفة تماما عشان اللي شايف إن فريد معملش اللي عليه عشان ينقذها وينقذ أختها ده غير إحترامها في غيابها في موضوع بيلين ودخولها القصر.
في مقابل ده سيران عملت ايه وعلي اي أساس تفرط بسهولة كدا في العلاقة برضو انا مش فاهم وتوافق علي الطلاق وتمضي بدون تردد وبكل برود أعصاب يعني اي نوع من التحول واللا منطقية في اللي بيحصل ده واحدة عارفة انها لما تطلق هتتجوز متحرش وتناسب مختلين وبتعزم جوزها علي الفرح وبتطرد جوزها وتدافع عن متحرش اي نوع من الوقاحه والتجبر في التصرف ده ؟؟!!.
طبعا في ناس من اللي بتدافع عن الكلام ده فقط من الدافع الإنتقامي او كره الرجال عموما يعني وانا وغيري لمحنا هنا للموضوع ده كذا مرة ومعظمهم بيفكروا بطريقة سيران بالظبط إن التعاطف مع الشخصية حاجه والتطبيل والتبرير المستمر حاجه تاني.
مشكل البعض إن سيران مش بتغلط.. إن سيران لا يأتيها الباطل من بين يديها ولا من خلفها.. إن سيران عشان عانت في حياتها واتظلمت ده يديها الحق انها تتحول لظالم وتخلي غيرها يعاني.
دي المشكلة أساسية في الفاندوم بتاع المسلسل ده للأسف والبعض نظرته طفولية شوية وشايف الموضوع كإنتقام.
او واحدة بواحدة وتلاقي تعليقات زي "يستاهل".. "فريد بيدفع تمن أخطائه".. سيران معرفش بتعاني بقالها 20 حلقة ف المفروض فريد يتمرمط 70 حلقة ويجيله السكر والضغط والقلب عشان يثبت انه اتغير وحتي لو عمل ده برضو مش هيبقي كافي لسيران.
ومش هيبقي كافي للبعض وهيفضل فريد اللي جاب بيلين الأوضة وساب سيران في المطعم وبلا بلا...
والبعض يعمل parallels غريبة ومقارنات مش في محلها حتي وأصبح اي هروب من اي نقاش واي مشكلة هو التحجج بماضي فريد.
وبيربطوا مشكلة الطلاق بماضي فريد وعلاقته ببيلين والكلام ده.. طيب لو فرضنا ان فريد ده يجماعه ميتعاشرش ومعملش اي حاجه كويسة في ماضيه سؤال بس ليه الناس بتعمل سكيب لمشاهد سيران انها كانت موافقة علي علاقته ببيلين وانها كانت بتغطي عليه قدام جده وقدام عيلتها.
وكان عندها فرص كتير انها تتخلص من الجوازة دي وكاظم كان هيطلقها لكن َ هي كانت عايزة المزايا اللي كانت هتوفرهالها عيلة كورهان وعايزة فريد يساعدها في كل مشاكلها وعايزة تتعلم وتشتغل وتاخد كل المزايا بدون اي مقابل او مسؤوليات وفي اي مشكلة كانت تطلع عقدها النفسية علي فريد وتجرحه بالكلام وبالإيد.
وده غلط الفانز من البداية انه كل الناس مكانتش شايفة إلا أخطاء فريد في المرحلة دي.. محدش شاف ان سيران كانت جزء من المشكلة وجزء من حلها.
محدش شاف ان فريد جزء كبير من أخطائه بعيد عن مشاكله النفسية الأخري.. هو حبه الكبير لسيران.. وانه حبها من البداية ومن أول ما عينه جت عليها.
كل أخطائه وكل تخبطاته كانت بسبب الموضوع ده في كل مرة كان بيحاول يخطو خطوة تجاهها تصده وترفضه ف يحس انها بتكرهه يفقد الأمل ويرجع لبيلين تاني.
أكبر هاجس ليه حرفيا كان رفضها وعدم مبادلتها شعوره عشان كدا إول ما حس ان فيه أمل وقف كل التخبط ده ومش هقول انه اتغير بقي انسان تاني حرفيا.
لكن ما زال البعض مش شايف تطور شخصيته او مش عايز يشوفه إلا فريد القديم.. ده في الحقيقة نوع من الحقد والتحيز لأن اي حد بيفهم هيشوف ان تطور شخصية فريد أفضل من سيران بمراحل وشخصيته وآدائه هم اللي شايلين العمل.
حد يفهمنا ايه التطور اللي حصل لشخصية سيران غير من سئ لأسوأ ؟!
سيران شخصية من البداية شايفة نفسها مظلومة علي طول.. طول الوقت معاها حق وطول الوقت واقفة علي أرض صلبة
مفكرتش انها تراجع نفسها او يكون عندها أخطاء او مشاكل
مفكرتش مرة واحدة انها تبص لنفسها في المراية وتقول هي ليه مش عايشة سعيدة مع الراجل ده.
ليه دايما التحفز وافتكار الكرامة والقوة مع فريد فقط دونا عن اي شخصية تاني في المسلسل.. مع شخص لا يملك ليها إلا مشاعر حب.. عمره ما كرهها برغم قسوتها معاه.. كانت ممكن تكسبه حرفيا من اول يوم. بلاش من أول يوم من أول ما حست "ان الراجل الغريب ده أصبح مألوف وقريب".
وده اللي حصل لما فريد اتأكد من مشاعرها واعترفلها بحبه الحلقات دي حرفيا فريد كان خاتم في صباعها وهاليس أغا خلاص كان معتبرها زي بنته وبقت في طريقها انها تبقي ان أحفاده وسيدة القصر.
ايه اللي عملته بقي سيران تجاه كل ده ؟!
انا معنديش مشكلة انها متبقاش حباه.. المشاعر مش ف إيد حد.. او انها مش ناسية أخطائه.. دي برضو مش ف إديها
لكن ايه معني انها تديله أمل في الرايحة والجاية عشان يتغير ويحارب عشانها عشان في الآخر ترمي كل المجهود ده علي الأرض ؟!.
ايه معني انها تدفعه للجنون بالطريقة دي وتفضل متحرش عليه ؟! المفروض اللي عملته سيران ده اسمه ايه في القاموس عندكوا يعني ؟! خلاصة الرغي ده كله انا مش جاي أقول ان سيران.. حاش لله زفت.. وفريد رز بلبن.. مش دي الفكرة وده الفرق بين فانز سيران وفريد لو سلمنا خلاص ان المسلسل بقي فريقين.
فانز سيران مش شايفين انها بتغلط خالص وبيخلطوا بين التعاطف والتبرير ومش شايفين ان المظلوم ممكن يتحول لظالم ودي حاجه بتحصل في الكون عادي.
الاتنين اتظلموا وتعرضوا للعنف النفسي والمخرجة نفسها قالت الكلام ده.. مقالتش ان فريد شخص مدلل ونرجسي ومفيهوش أمل والكلام ده وده اللي بنقوله.
الاتنين مرضي والاتنين غير أسوياء لكن في طرف واحد هو اللي بيتحسن من العلاقة وبيتصرف بمسؤولية وطرف تاني اصبح مصدر إستفزاز وتعاسة ولا منطقية في الأحداث وده سبب غضب الفانز.
لو كان الطلاق ده حصل قبل تطور العلاقة وتغيير فريد مكانش حد هيلوم علي الكاتب وكل الناس عارفة ان ده مسلسل جدي ونفسي والكلام ده محدش منتظر مشاهد خيالية ورومانسية يعني بالرغم من النجاح الكبير ومزايا المسلسل كلها ومجهود افرا ومارت لكن الكاتب بيعك وأسوأ حاجه ممكن تحصل لأي مسلسل مهما بلغ نجاح وشهرته ان المشاهد يحس بنوع من التلاعب والتغفيل.
ده مش إحساسي انا بس اي حد متابع تويتر واليوتيوب وكل الفانز من كل الجنسيات آخر حلقة والإعلان الجديد عملهم error وصدمة وناس كتير هتوقف مشاهدة وتعمل boycott.
إكيد مش كل دول ناس تافهة وعايزين مسلسلات صيفي ومش لازم نحقر من رأي الآخر في أي عمل كل واحد حر في رأيه مدام مش بيحجر علي رأي التاني.
آخر حاجه بالنسبة للتوقعات انا شخصيا متوقع من الكاتب ده اي حاجه.. اي حاجه حرفيا وبعد كل اللي حصل مقدرش ألوم علي فريد اي حاجه الحقيقة.
بالنسبة لناس بتقول بيلين ومش بيلين والكاتب مرخم وقاصد وعبثي
أنت لو ماسك القلم وهتكتب قصة
هتغش من الفانز ولا هتكتب من عقلك وتجسد الشخصيات وتفهم حبكة الأحداث والسرد!!
أولاً مفيش حاجة اسمها الأحداث بتتعاد.
حياة المريض النفسي داوئر لو قعدت مع مريض هتحس نفسك اللي حصل إمبارح بيتعاد إنهاردة لدرجة هتشك في سلامة عقلك
ثانياً بيلين قصة حياة فريد وحقائق فريد والنقطة المنغلقة عن فريد اللي محدش يعرفها غيرها عشان عاشرته
بيلين دي الصندوق الأسود لفريد
ظهورها أهم الفترة دي سوا خططت شر او اذيه هي كده قربت نهايتها فقربنا نفتح صندوق فريد.
متفتكروش ان فريد أتغير بجد عشان نام وصحي قال بحبك يا سيران نسميه خلاص بقي شخص جديد الكاتب موضحش ان في تغير بيحصل لمريض منه لنفسه
أحنا نفسنا مبنتعلمش من مره واثنين غير لما بنحس أننا نخف هبل بقي ونتعلم المره دي بجد ونفشل
بنعيش عمرنا كله بنتعلم الحياة لو قولتلها أنا قررت معملش الغلط ده تاني مش هتصدقك غير لما تدوس على طوبة كلها نار هتقدر ولا كذاب.
فريد دلوقتي محتاجين نفتح الصندوق ده نعرف مين هو فريد الطفولي والمراهق عاش طفولته ومراهقته مع هاليس ازاي ليه بيجيله نوبات هلع وشاشة سواد
ليه لما بيدخل في نوبة بتيجي صورة سيران بس
ليه سيران لما بتدخل في نوبة بتيجي صور ذكريات طفولتها
مين هو فريد كورهان .
عايزة اقولكم حاجة المرض النفسي عشان تفهمه الغي عواطفك عشان المريض قادر يخدعك انه كويس لدرجه مش هتقدر تشوف اخطاءه تاثيره اقوي انه بيعميك عن اي تصرف او لغه جسد. او عيون او فعل تدل انه محتاج دكتور .
ليست هناك تعليقات:
إرسال تعليق