مسلسل طائر الرفراف الحلقة 30 سيران توافق علي الزواج من طارق 🙆💔 بيلين تتقرب من فريد
مسلسل طائر الرفراف الحلقة 30 سيران توافق علي الزواج من طارق 🙆💔 بيلين تتقرب من فريد
مش قادرة أتفهم نهائي الناس اللي بتنقد سيران وبتقول ظالمة وبتاعة مصلحتها وبتطلع عقد أبوها !!!!
والحالة اللي سيران فيها دي لو أبوها ليه فيها 20% فال 80% الباقيين بتوع فريد
مش عشان فريد أسوء لا عشان فريد كان تأثيره أكبر عليها وهشرحها تحت 🤌👇👇.
ويا جماعة أنا آسفة بس انتوا ماعداش عليكوا قصة واحنا صغيرين الولد الغريق الكداب اللي كان بيكذب على أهل قريته كل مرة إنه بيغرق وبيصدقوه ويروحوله ويطلع كداب
وفي الاخر لما غرق بجد وطلب النجدة محدش صدقه وفكروه بيكدب !.
ده حاليا اللي بيحصل في علاقة فريد وسيران سيران من ساعة ما عرفت فريد وأصلا طريقة جوازهم واختياره ليها لأول يوم لما جابلها بيلين واللي كانوا بيعملوه فيها لشكها في حوار سلطان لغيره لغيره لغيره واخرها أم بيلين اللي هي فاكرة إنه قالها أسراراهم ومعايرته اللي بيعايرها بيها !!!.
طيب ليه فريد هو أكبر مدمر لسيران :
■ سيران قبل فريد: طول عمرها قوية برغم من أبوها ومشاكلها وعقدها عندها أمل في الحياة غير سونا وأمها
■ أملها في الحياة : إنها تدرس وتشتغل وتنجح وتعتمد على نفسها وكمان تحب وتتحب وتعيش حياة سوية وتبني عيلة وتكون أم قوية عكس أمها.
■ سيران بعد فريد "تأثير فريد عليها وعلى حياتها" : دمرلها كل أحلامها من أول جواز بالغصب وتدميرها هي وأختها لتقليل منها المستمر وتقليل احترامها الدائم بوجود بيلين وغيرها !!!
حتى التعليم حرمها منه بسبب مزاجه وحواراته اللي في دماغه، اتهمها في شرفها وأهانها قدام حبيبها السابق وأهانها قدام حبيبته وتفه منها كتييير.
● حتى بعد ما بدأوا يظهروا حبهم خان ثقتها مليون مرة وكذب سواء بقصد أو لأ بيفكر بدماغه هو ملوش دعوة تأثيره عليها ايه واخرهم تسجيل بيلين باسم "صادق بيه" وانها تشتري خط وتكلمه!!! حتى لو هنا مش قاصد خيانة وكان مخلص بس اللي عمله مش مقبول نهااائي بعد كل اللي وصلها ليه! وشايف علاقتهم مفيهاش ثقة أصلااا ومع ذلك بيعمل اللي في دماغه بحجة إنه قصده خير.
■ فريد وسيران بعد الجواز بالغصب : عشان في ناس بس بتقولك ماهو كان مغصوب ما هو كان مش بيحبها وبيدوا أعذار انها اتقهرت لما سمعت كلامه مع أمه عليها!.
أولا فريد لو مجرد مغصوب مكنش اختار سيران على أختها في حركة قذرة مقرفة فريد مغصوب على الجواز نفسه بس مش مغصوب على سيران فريد كان عنده فرصة يسافر ويعترض ويعمل حاجات كتيير بدل ما يدمر مستقبل واحدة ملهاش ذنب
عكس سيران لا ليها فرصة اعتراض ولا غيره حتى الهرب ماعرفتش تعمله بنت مراهقة عندها 19 لا معاها شهادة ولا فلوس ولا حتى باسبور!.
فريد من أول يوم شاف سيران وهو بيتقرب ليها!
وفريد لو سيران كانت اديته وش من الأول كان زمانه معاها ومع بيلين في نفس الوقت !
يعني فريد اختار سيران وفي نفس الوقت اتقربلها من أول يوم ومع ذلك كان مكمل مع بيلين بذل وقهر سيران!
ده الفرق بينه وبين سيران اللي سيران نفسها قالته لفريد في الحلقة 23 هي كانت قاطعة علاقتها مع يوسف من أول يوم احتراما لنفسها قبله !
انها متجوزة فخلاص انتهى مع انها هي المغصوبة المضروبة!.
هو في عز ما كان بيتقرب منها من أول يوم كان واخدها ستارة وناوي يطلقها !
فازاي بعد ما سمعت كل ده تثق في كلمة بيقولها عشان حاول يتغير حلقتين !.
ده كان لسه من كام حلقة جايبلها انهيار عصبي وبيقولها هخلف من بيلين!!! حتى لو نص كلامه بيبقى لما بيتعصب وبيعك! بس الكلام ده بيدمرها!
وبعدها جابلها بيلين البيت! كام مرة سابها في موقف وثقت فيه وراح لبيلين! كام مرة خذلها!!!!!.
ده حتى المرتين اللي عملها فيهم مفاجأت كان بيكدب وبيشككها فيه عشان تتفاجيء كل كلامه عايز يعمل معاها علاقة! + كلام بيلين ليها،، ومعيشها في توتر وعدم ثقة فيه وفي نفسها طول الوقت مرعوبة تلاقيه مع واحدة
ولا تلاقيه راجعلها بواحدة!!!.
بزمتكم ده طبيعي!!! هو فعلياااا اكتر حد دمرها ودمر أحلامها!
هي على الرغم من ابوها كان لسه عندها أمل في الحياة اللي هتبينها جيه هو ودمر الأمل ده!
ابوها انجبرت عليه ما اختارتوش بس كان عندها امل تختار حياتها تعليمها وجوزها!.
الناس بتقول منين سيران كانت ناضجة ومنين دلوقتي مكسورة وتايهة وبتتصرف غلط "مع انه مش غلط من اللي شافته" ،، بس مهمها كانت ناضجة وقوية هي بنت عمرها 19 سنة مهما مثلت القوة هتضعف وتنكسر وتفقد الثقة في نفسها واللي حواليها
وخصوصا انها عايشة في عنبر مرضى من صغرها ولما اتجوزت العنبر اتوسع!.
سيران مش غلطانة نهااائي وفريد حاليا مش غلطاان بس غلطاته بتلاحق حياته لحد ما يثبت فترة جدارة ولحد ما يحل مشاكله هتفضل بينهم عقبات وعشان كده المسلسل نفسي ومعقد !.
■ونقطة أخيرة ليه سيران بتلجأ لفريد لما يحصلها مصيبة:
دي مش مصلحة إنما للأسف بعد كل ده هي بتشوف فيه جزء طيب وحنين عليهاااا وده حكيته لاختها قبل كده
على الرغم من شخصيته ومساوؤه فهو عنده جزء طيب وجزء بتحبه فيه! ده مش تناقض لانها للاسف بالرغم من ده كله بتحبه!.
الواحد لما بيحصله مصيبة عقله بيقف وأول حد بيفكر فيه هو شخص بيحبه عارف إنه هيقف جنبه !
مش استغلال ابدا وانما لحظات ضعف وحب!
لانها وعلى الرغم من كل اللي بينهم ده نفسها حياتهم تتصلح ويفضلوا مع بعض بس كرامتها واللي بتعيشه معاه مانعينها!.
فملخصا مفيش أي تناقض في شخصية سيران ومش فاهمة ليه الناس بتشوف كل حاجة من برا ومش واخدين بالهم اننا مشاهدين شايفينهم من برا وعارفين كل الحقايق وكذلك ماعشناش معاناتها والحقايق اللي المفروض سيران ماتعرفهاش!!!.
انا فعلا بسال نفسي اسئلة
•فريد عارف ان بيلين وامها السبب في خراب حياته ليه محاولش يلاقي الدليل ويعرفه لسيران ووقتها يتخانق ولا يولـ ـع فيها واهو اسمها حاول يصلح جوازته.
•فريد خاف من وجود سلطان واترعب من فكرة ان سيران نشوفها لكن بيلين قعد وبرر وجود سيران كأن متعود ان سيران متعوده على وجود بيلين فكده موضوع سلطان وراه سر اكبر من بيلين.
•فريد كان قادر يوقف الطلاق ويوقف جده ويطلع صوته زي ما اعترض انه رافض الجواز في اول او حتي كلم اهله ورفض فكرة الطلاق بس سلبي!!..
•فريد لما قابل سونا وقالها اختك اللي وصلتنا لكده هو ناسي انه بسبب اخطاءه ووجوده في بيت بيلين اللي اهله ميعرفهوش بالسبب الحقيقي لانفصالهم واللي الجد لو عرف هيقطـ ـمه نصين!!! .
•ليه فريد محاولش ينقذ جوازته بكل الطُرق محدش يقولي راحلها البيت غلطان يحاول مرات مش مره لكن مش هتعوموا على عومته وتصدقوا انه مش غلطان لو ناسين افكركم هي وصلت لنهاية من موضوع بيلين.
قفشته ف البيت اكيد عارفه انها خربت عليهم لكن العتب على اللي اسمه جوزها سايب ليها الباب مفتوح ليه بيروحلها لييه بيكلمها لسه ليييه مش قالها خلاص عملتها بلوك ايه!!!! .
مش ملاحظين انكم ماسكين ف رد فعل سيران وصدقتوا كذبة فريد كانكم ما صدقتوا تلاقوا مبرر خايب وفاشل ان فريد مش غلطان!!!! اتغير بس للاسوء للاسف ده سلبي من جوازته عمره ما نفع ولا عرف يكسب جوازته ولا عرف يخليها تثق فيه ولا انقذ جوازته سايبها هي اللي تتحمل وتفكر وتعمل وهو عليه يتعصب ويعيط ويصيح.
حتي مشهد اوضة عارف ان جدك هيمضيها ع طلاق داخل تقولها هيمضيكي ع اوراق وتمشي ديه طلاق يا استاذ!!! المفروض ردك يكون انا مكسوفلك ع اللي عمله فيكي وحقك هاخذه وطلاق مش هنطلق هفكر.
اشمعنا فكرت لسونا ولبيلين ولعابدين ولكله وجيت عند مراتك تفكيرك وقف وغضبك شغال لدرجه تستفزها بالكلام ولما ترد عليك نفس الكلام تكسـ ـر اللي قدامك حتي الناس شايفاها غلطانه مقدرتش يطلع صوته قدام جده لكن قدر يطلع صوته لما سيران ردت ع الجد كنيتك جابتلي الالم.
الجد الوحيد اللي بيقطمه وبيواجهه بحقيقة تفسه هي سيران وكلهم جبناء وضعفاء قدامه عشان كده هاليس خايف من وجود سيران لتكشف المستخبي منهم.
ليست هناك تعليقات:
إرسال تعليق